Yozue 16:1-10
16 Ntoto yina bo pesaka bana ya Yozefi+ na nima ya kubula zeke+ yantikaka na Yordani pene-pene ya Yeriko tii na ndambu ya masa yina kele na esti ya Yeriko, na ntoto-makanga yina ke katuka na Yeriko mpi ke tombuka na ntoto ya bangumba ya Betele.+
2 Yo katukaka na Betele ya Luzi mpi yo kwendaka tii na ndilu ya bantu ya Arki na Ataroti,
3 na nima, yo kulumukaka na westi na ndilu ya bantu ya Yafleti tii na ndilu ya Bete-oroni+ ya Nsi mpi Gezere,+ mpi yo sukaka na nzadi-mungwa.
4 Ebuna bana ya Yozefi,+ Manase mpi Efrayimi, bakaka ntoto na bo.+
5 Ndilu ya bana ya Efrayimi na kutadila mabuta na bo vandaka mutindu yai: Ndilu ya dikabu na bo na esti vandaka Ataroti-adare,+ tii na Bete-oroni ya Zulu,+
6 mpi ndilu yina kwendaka tii na nzadi-mungwa. Mikmetati+ vandaka na nordi, mpi ndilu yina balukaka na esti tii na Taanati-shilo, mpi yo lutaka na esti tii na Yanoa.
7 Ebuna yo kulumukaka katuka na Yanoa tii na Ataroti mpi na Naara, yo kumaka na Yeriko,+ mpi yo kwendaka tii na Yordani.
8 Katuka na Tapua+ ndilu yina kwendaka tii na westi na Muwanda ya Kana, mpi yo sukaka na nzadi-mungwa.+ Yai dikabu ya dikanda ya Efrayimi na kutadila mabuta na bo;
9 bana ya Efrayimi vandaka mpi ti bambanza ya kingenga na kati ya dikabu ya Manase,+ bambanza yonso ti babwala na yo.
10 Kansi bo kulaka ve bantu ya Kanana yina vandaka kuzinga na Gezere,+ mpi bantu ya Kanana ke landa kuzinga na Efrayimi tii bubu yai+ mpi bo me kumisaka bo bantu ya ke salaka bisalu ya ngolo.+