Yozue 18:1-28
18 Ebuna kimvuka ya mvimba ya bantu ya Izraele vukanaka na Shilo,+ mpi bo tedimisaka tenta ya lukutakanu kuna,+ sambu ntangu yai insi yina kumaka na nsi ya kiyeka na bo.+
2 Kansi kuvandaka ti makanda nsambwadi ya bantu ya Izraele yina bikalaka, bayina bo pesaka bo ntete ve dikabu na bo.
3 Ebuna Yozue tubilaka bantu ya Izraele nde: “Tii nki ntangu beno ta vingila sambu na kukwenda kubaka insi yina Yehowa Nzambi ya ba-nkaka na beno me pesaka beno?+
4 Beno pesa mono bantu tatu na konso dikanda sambu mono tinda bo; bo fwete kwenda kutambula na ntoto ya mvimba mpi kusonika yo na mukanda na kutadila dikabu na bo. Na nima, bo ta kwisa kuvutuka na mono.
5 Bo fwete kabisa yo na kati na bo na bitini nsambwadi.+ Yuda ta bikala na teritware na yandi na sudi,+ mpi nzo ya Yozefi ta bikala na teritware na bo na nordi.+
6 Kansi beno, beno sonika na mukanda mutindu ntoto kele mpi beno kabisa yo na bitini nsambwadi, mpi beno natila mono yo awa, ebuna mono ta budila beno zeke+ awa na ntwala ya Yehowa Nzambi na beto.
7 Kansi Balevi kele ve ti dikabu na kati na beno,+ sambu kinganga-nzambi ya Yehowa kele dikabu na bo;+ mpi Gadi, Rubeni, ti ndambu ya dikanda ya Manase+ bakaka tuka ntama dikabu na bo na ndambu ya esti ya Yordani, yina Moize nsadi ya Yehowa pesaka bo.”
8 Bantu yina yilamaka na kukwenda, mpi Yozue songaka bantu yina zolaka kusonika na mukanda mutindu ntoto yina kele nde: “Beno kwenda mpi beno tambula na ntoto ya mvimba mpi beno sonika na mukanda mutindu yo kele mpi beno kwisa kuvutuka na mono, ebuna mono ta budila beno zeke awa na ntwala ya Yehowa na Shilo.”+
9 Ebuna bantu yina kwendaka, bo tambulaka na ntoto yina ya mvimba, mpi bo tendulaka yo na mukanda mosi na kutadila bambanza na bo. Bo kabisaka yo na bitini nsambwadi. Na nima bo vutukaka na Yozue na camp, na Shilo.
10 Ebuna Yozue budilaka bo zeke na Shilo na ntwala ya Yehowa.+ Kuna Yozue kabudilaka bantu ya Izraele ntoto na kutadila makabu na bo.+
11 Bo bulaka zeke, ebuna dikabu basikaka sambu na dikanda ya Benyamini na kutadila mabuta na bo, mpi teritware ya dikabu na bo vandaka na kati ya bantu ya Yuda+ mpi bantu ya Yozefi.+
12 Na ndambu ya nordi, ndilu na bo yantikaka na Yordani; yo kwendaka tii na ngumba ya Yeriko+ na nordi, yo tombukaka na ngumba na ndambu ya westi, mpi yo kwendaka tii na ntoto-makanga ya Bete-avene.+
13 Ndilu lutaka pana mpi kwendaka na Luzi, na sudi ya ngumba ya Luzi, disongidila, Betele;+ yo kulumukaka na Ataroti-adare+ na ngumba yina kele na sudi ya Bete-oroni ya Nsi.+
14 Bo tendaka ndilu na ndambu ya westi mpi yo balukaka na ndambu ya sudi katuka na ngumba yina ke talana ti Bete-oroni na sudi; yo sukaka na Kiriati-baale, disongidila, Kiriati-yearimi,+ mbanza mosi ya Yuda. Yai ndambu ya westi.
15 Ndambu ya sudi yantikaka na nsuka ya Kiriati-yearimi, mpi ndilu kwendaka na westi; yo kwendaka na ndambu ya nto ya masa ya Neftoa.+
16 Ndilu kulumukaka tii na nsuka ya ngumba yina ke talana ti Muwanda ya Mwana ya Inomi,+ yina kele na Muwanda* ya Refayimi+ na nordi, mpi yo kulumukaka na Muwanda ya Inomi, na ngumba ya Yebusi+ na sudi, mpi yo kulumukaka tii na Ene-rogele.+
17 Bo tendaka yo na nordi mpi yo kwendaka tii na Ene-shemeshi mpi na nima yo kwendaka na Geliloti, yina kele na ntwala ya ngumba ya Adumimi,+ mpi yo kulumukaka na ditadi+ ya Bohani+ mwana ya Rubeni.
18 Yo kwendaka na ngumba ya nordi na ntwala ya Araba mpi yo kulumukaka na Araba.
19 Ndilu kwendaka na ngumba ya nordi ya Bete-ogla,+ mpi yo sukaka na lweka ya nordi ya Nzadi ya Mungwa*+ na nsuka ya Yordani na sudi. Yai ndilu ya sudi.
20 Yordani vandaka ndilu na yo na ndambu ya esti. Yai dikabu ya bana ya Benyamini na kutadila mabuta na bo, na kutadila bandilu na bo na bandambu yonso.
21 Bambanza ya dikanda ya Benyamini na kutadila mabuta na bo yo yai: Yeriko, Bete-ogla, Emeki-kesisi,
22 Bete-araba,+ Semarayimi, Betele,+
23 Avimi, Para, Ofra,
24 Kefare-amoni, Ofni, mpi Geba,+ bambanza 12 mpi babwala na yo.
25 Gibeoni,+ Rama, Beeroti,
26 Mispe, Kefira, Mosa,
27 Rekemi, Irpele, Tarala,
28 Zelah,+ A-elefi, Yebusi, disongidila, Yeruzalemi,+ Gibea,+ mpi Kiriati, bambanza 14 mpi babwala na yo.
Yai dikabu ya bana ya Benyamini na kutadila mabuta na bo.
