Zekaria 9:1-17
9 Nsangu:
“Ndinga ya Yehowa ke bedisa insi ya Adraki,Mpi Damasi kele mbanza yina yo ke kana kuta*+—Sambu meso ya Yehowa kele na zulu ya bantu+Mpi na zulu ya makanda yonso ya Izraele—
2 Mpi yo ke bedisa Amati,+ yina kele pene-pene na yo,Mpi yo ke bedisa Tire+ ti Sidoni,+ sambu yo kele mayele mingi.+
3 Tire kuditungilaka mwa ngumba ya ntoto.*
Yo kutikaka arza bonso mfututuMpi wolo bonso mvindu ya babala-bala.+
4 Yehowa ta botula bima na yo,Yandi ta fwa basoda na yo na* nzadi-mungwa;+Mpi bo ta yoka yo tiya.+
5 Ashkeloni ta mona yo mpi ta wa boma;Gaza ta wa mpasi ya ngolo,Ti Ekroni mpi, sambu bo me pesa kivuvu na yo nsoni.
Ntotila mosi ta fwa na Gaza,Mpi bantu ta zinga ve na Ashkeloni.+
6 Mwana-makangu ta zinga na Ashdodi,Mpi mono ta katula lulendo ya muntu ya Filistia.+
7 Mono ta katula na munoko na yandi bima yina kele ti matono ya mengaMono ta katula bima ya nzanzi na meno na yandi,Mpi yandi ta bikala sambu na Nzambi na beto;Yandi ta kuma bonso mfumu mosi na Yuda,+Mpi Ekroni ta kuma bonso muntu ya Yebusi.+
8 Mono ta telama bonso nke- ngidi* sambu na nzo na mono,+Na mpila nde muntu mosi ve ta luta mpi muntu mosi ve ta vutuka kuna;Mpi kapita mosi ve* ta luta diaka kuna,+Sambu ntangu yai, mono me mona yo* na meso na mono.
9 O mwana-nkento ya Sioni, yangalala mingi.
Tula milolo ya kununga, O mwana-nkento ya Yeruzalemi.
Tala! Ntotila na nge ke kwisa na nge.+
Yandi kele muntu ya lunungu, yandi ke gulusaka,*Yandi kele muntu ya kudi- kulumusa+ mpi yandi ke tambusa mpunda,Na zulu ya mwana-mpunda ya bakala, mwana ya mpunda ya nkento.+
10 Mono ta katula pusu- pusu ya bitumba na EfrayimiMpi mono ta katula mpunda na Yeruzalemi.
Bo ta katula munduki ya tolo-tolo ya bitumba.
Mpi yandi ta zabisa ngemba na makanda;+Luyalu na yandi ta vanda katuka na nzadi-mungwa tii na nzadi-mungwaMpi katuka na Nzadi* tii na nsuka ya ntoto.+
11 Kansi nge, O nkento, na menga ya kuwakana na nge,Mono ta tinda bantu na kubasisa bantu na nge ya boloko na dibulu yina me konda masa.+
12 Beno bantu ya boloko yina kele ti kivuvu, beno vutuka na kisika ya ngolo ya lutaninu.+
Bubu mono ke zabisa nge nde,‘O nkento, mono ta futa nge makabu zole.+
13 Sambu mono ta konika* Yuda bonso munduki na mono ya tolo-tolo.
Mono ta baka Efrayimi bonso tolo-tolo sambu na munduki ya tolo-tolo,Mpi mono ta tedimisa bana na nge, O Sioni,Sambu na kunwanisa bana na nge, O Grese,Mpi mono ta kumisa nge bonso mbele ya bitumba ya soda.’
14 Yehowa ta monana na zulu na bo,Mpi tolo-tolo na yandi ta basika bonso nzasi.
Yehowa Mfumu ya Kuluta Nene ta bula kibongo,+Mpi yandi ta kwenda na ntwala ti mipepe ya ngolo ya sudi.
15 Yehowa ya makesa ta nwanina bo,Ebuna bo ta dia mpi ta niata matadi ya lanse.+
Bo ta nwa mpi bo ta tula makelele, bonso nde bo me lawuka vinu;Mpi bo ta fuluka bonso bolo,Bonso binkonko ya mesa-kimenga.+
16 Yehowa Nzambi na bo ta gulusa bo na kilumbu yinaBonso kimvuka ya bantu na yandi;+Sambu bo ta vanda bonso matadi ya ntalu ya mpu ya kimfumu yina ke sema na ntoto na yandi.+
17 Sambu bumbote na yandi kele nene kibeni,+Mpi kitoko na yandi kele mingi kibeni!
Mbuma ta sala nde baleke ya babakala kutoma,Mpi vinu ya mpa ta sala nde bamwense kutoma.”+
Banoti na nsi ya lutiti
^ Na kisina, “kisika na yo ya kupema.”
^ To “nzo ya ngolo.”
^ To mbala ya nkaka, “na zulu ya.”
^ Yo ke monana nde yo kele mpasi ya bantu na yandi.
^ To “muntu mosi ve ya ke niokulaka bantu.”
^ To “soda yina ke kengilaka na ntwala.”
^ To “mpi yandi me nunga; mpi yandi me guluka.”
^ Disongidila, Efrate.
^ Na kisina, “ta niata.”
