KUDIPESA NA KISALU YA BILANGA
Kampanye ya Emvitasio ya Lukutakanu ya Distrike
Konso mvula, beto ke vingilaka ti nzala ya ngolo madia ya kimpeve ya ke tungaka lukwikilu, yina beto ke bakaka na balukutakanu ya distrike. Yo yina, beto ta binga bantu mingi na kuvukana ti beto na lukutakanu ya distrike, sambu bo meka mpi bumbote ya Yehowa. (Nk 34:8) Na konso dibundu, kimvuka ya bankuluntu ta tadila mutindu bansamuni ya dibundu na bo ta kabula baemvitasio na mpila ya mbote.
MAMBU YA MFUNU YA KUYINDULA
-
Inki kele dati ya lukutakanu na mono ya distrike?
-
Inki dati dibundu na beto ta yantika kampanye?
-
Inki ntangu dibundu na beto ke salaka balukutakanu sambu na kisalu ya bilanga?
-
Inki kele lukanu na mono sambu na kampanye yina?
-
Banani mono ta binga?
INKI NGE TA TUBA?
Na nima ya kupesa muntu mbote, nge lenda tuba nde:
“Na nsi-ntoto ya mvimba, beto ke kabula emvitasio yai sambu na diambu mosi ya kuluta mfunu. Dati, ntangu mpi adresi kele ya kusonika na emvitasio. Beto ta sepela kana nge me kwisa.”
INKI MUTINDU NGE LENDA YEDISA MPUSA?
Ata beto ke zola kubinga bantu mingi na lukutakanu, beto fwete vutukila konso muntu yina ke monisa mpusa.
Na wikendi, nge lenda kabula zulunalu ti emvitasio.
