Banda na Yanuari 2016, lutiti ya nsuka ya nimero ya bantu yonso ya Nzozulu ya Nkengi kele ti disolo yina kele ti ntu-diambu, “Inki Mambu Biblia Ke Tubaka?” Bo salaka kisadilu yai ya mpa sambu na kusadisa beto na kuyantika kusolula ti muntu mambu ya Biblia. Kisadilu yai kele mutindu mosi ti batrakiti na beto. Yo kele ti ngiufula yina ta pusa muwi na kupesa dibanza na yandi, verse mosi yina ke pesa mvutu, mpi mambu ya nkaka ya kutadila.

Mbala mingi, disolo ya kitoko ya Biblia ke nataka muntu na kulonguka Biblia. Sadila kisadilu yai ya mpa sambu na kusadisa bantu mingi na kulungisa nzala na bo ya kimpeve.—Mat 5:6.

1. Lomba dibanza ya muwi na ngiufula mosi na kati ya bangiufula yai

2. Widikila mvutu na yandi mpi ndima yo

3. Tanga verse yina kele na nsi ya ntu-diambu “Inki Mambu Biblia Ke Tubaka?” mpi yula dibanza na yandi na verse yina. Kana ntangu kele, beno landa disolo, sadila ngindu mosi yina kele na nsi ya ntu-diambu “Inki Mambu ya Nkaka Beto Lenda Longuka na Biblia?”

4. Pesa yandi zulunalu

5. Baka bangidika sambu na kuvutukila yandi mpi na kutadila ngiufula ya zole