Kwenda na mambu ke na kati

Kwenda na tansi ya malongi

Kukota (ke kangula lutiti ya mpa)

Bambangi ya Yehowa

Sola ndinga Kikongo (Rép. dém. du congo) Kukota (ke kangula lutiti ya mpa)

TANGA NA

BIMVWAMA YA NDINGA YA NZAMBI | YOBI 16-20

Pesa Bankaka Kikesa ti Bangogo ya Mawete

TALA NA

Pesa Bankaka Kikesa ti Bangogo ya Mawete

Bangogo ya ndongisi fwete pesa bankaka kikesa

Yobi kutanaka ti mpasi ya ngolo mpi vandaka kuniokwama mingi, yo yina yandi vandaka na mfunu ya bantu yina lendaka kupesa yandi kikesa
Banduku ya Yobi tatu tubaka ata kima mosi ve sambu na kupesa yandi kikesa. Kansi bo tubaka na luvunu yonso nde Yobi yandi mosi vandaka na kisina ya bampasi na yandi, bangogo na bo pesaka yandi diaka mpasi mingi

Bangogo ya mbi ya Bildadi pusaka Yobi na kumonisa mpasi yina yandi waka na ntima

Na bampasi na yandi, Yobi sosaka lusadisu na Yehowa, ata na mpasi ya lufwa
Yobi tulaka dikebi na yandi na kivuvu ya lufutumuku mpi yandi landaka kukanga ntima na kwikama yonso

BANTU YINA VANDAKA KUFUNDA YOBI

Elifazi:

Ziku Elifazi vandaka muntu ya Temani na insi ya Edomi. Na Yeremia 49:7, Biblia ke tuba nde Temani vandaka mbanza ya bantu ya mayele ya Edomi
Yo ke monana nde Elifazi, yina vandaka mbuta mpi muntu ya nene ‘na kati ya bantu yina kwisaka kulembika’ Yobi, yandi muntu yantikaka kutuba. Yandi salaka badiskure tatu mpi tubaka mingi kuluta banduku na yandi zole

Mambu ya luvunu:

Yandi vwezaka kwikama ya Yobi mpi tubaka nde Nzambi ke kwikilaka ve na bansadi na yandi (Yob 4, 5)
Yandi bingaka Yobi muntu ya lulendo mpi ya mbi, mpi yandi tubaka nde Yobi vandaka ve kuwa Nzambi boma (Yob 15)
Yandi tubaka nde Yobi vandaka muntu ya bwimi mpi ya kukonda lunungu, yandi tubaka mpi nde Nzambi ke bakaka ve muntu na mbalu (Yob 22)

Bildadi:

Yandi vandaka ntekolo ya Shua. Ziku yandi vandaka kuzinga na lweka ya Nzadi ya Efrate
Yandi vandaka muntu ya zole na kutuba. Badiskure na yandi tatu vandaka nkufi kansi yo vandaka kupesa mpasi na ntima kuluta ya Elifazi

Mambu ya luvunu:

Yandi tubaka nde bana ya Yobi salaka masumu mpi bo fwanaka na kukutana ti mpasi yina bwilaka bo, mpi yandi tubaka nde Yobi yandi mosi vandaka kuvweza Nzambi (Yob 8)
Yandi tubaka nde Yobi vandaka muntu ya mbi (Yob 18)
Yandi tubaka nde kwikama ya muntu kele na mfunu ve (Yob 25)

Sofare:

Muntu ya Naama, ziku na nordi westi ya Arabia
Yandi vandaka muntu ya tatu na kutuba mpi muntu ya mbi kuluta. Yandi salaka kaka badiskure zole

Mambu ya luvunu:

Yandi tubaka nde Yobi vandaka kutuba mambu ya kukonda mfunu mpi zabisaka yandi na kuyambula mambu ya mbi (Yob 11)
Yandi tubaka nde Yobi vandaka muntu ya mbi mpi vandaka kuzola masumu (Yob 20)

MUKANDA YA LUKUTAKANU LUZINGU MPI KISALU

Pesa Bankaka Kikesa ti Bangogo ya Mawete

Kikongo (Rép. dém. du congo)

Pesa Bankaka Kikesa ti Bangogo ya Mawete

https://cms-imgp.jw-cdn.org/img/p/202016123/univ/art/202016123_univ_sqr_xl.jpg