MFUNU NA YO: Yehowa, Longi ya Nene, ke longaka beto na mutindu ya kuluta mbote. Yandi ke longaka beto mutindu ya kutomisa luzingu na beto mpi ke sadisaka beto na kuyilama sambu na kuzwa luzingu ya kitoko na bilumbu ke kwisa. Beto ke futaka ve mbongo sambu na kubaka malongi yai yonso! (Yez 11:6-9; 30:20, 21; Kus 22:17) Na nsadisa ya malongi ya Yehowa, yandi ke sadisaka beto mpi na kulonga bantu ya nkaka nsangu ya luguluku.—2Bk 3:5.

MUTINDU YA KUSALA YO:

• Yedisa kikalulu ya kudikulumusa.—Nk 25:8, 9

• Baka mambote na formasio yina Yehowa ke pesa nge bubu yai, mu mbandu ndima kusala badevware yina bo ke pesaka na balukutakanu ya kati-kati ya mposo

• Yindula mitindu yina nge lenda sadila Yehowa mingi mpi yidika manaka na nge sambu na kusala yo.—Fil 3:13

• Sala bibansa sambu na kubaka baformasio ya nkaka.—Fil 3:8

SONGA VIDEO MALONGI YA YEHOWA ME KUMISAKA BO BAMVWAMA NA KIMPEVE, NA NIMA BENO PESA BAMVUTU NA BANGIUFULA YAI:

• Inki bampasi bansamuni ya nkaka me nungaka sambu na kukota na Nzo-Nkanda ya Bansamuni ya Kimfumu?

• Inki formasio bansamuni ke bakaka na Nzo-Nkanda ya Bansamuni ya Kimfumu?

• Inki mutindu bampangi na dibundu sadisaka bampangi yina manisaka Nzo-Nkanda yai na kusala bisalu na bo ya mpa?

• Sambu na kukota na Nzo-Nkanda ya Bansamuni ya Kimfumu, yo ke lombaka kusala nki? (kr 189)

• Inki formasio ya nkaka nge lenda baka na dibundu ya Yehowa?