ZINGA MUTINDU BAKRISTU FWETE ZINGA
Inki Kele Diambu ya Kuluta Mfunu Sambu na Mono?
Yakobi nwanaka ti wanzio sambu na kubaka kima mosi ya kuluta mfunu, lusakumunu ya Yehowa. (Kuy 32:24-31; Oze 12:3, 4) Ebuna beto bubu yai? Keti beto ke salaka bikesa ya me fwana na luzolo yonso sambu na kulemfukila Yehowa mpi kubaka lusakumunu na yandi? Mu mbandu, kana yo ke lomba nde beto pona na kukwenda na balukutakanu to kusala kisalu sambu na mwa ntangu fioti, nki lukanu beto ta baka? Kana beto ke pesa Yehowa ntangu, ngolo mpi bima na beto, yandi ta nokisila beto “lusakumunu bonso mvula tii kuna ata kima mosi ve ta konda.” (Mal 3:10) Yandi ta twadisa, ta tanina mpi ta lungisa bampusa na beto.—Mat 6:33; Ebr 13:5.
SONGA VIDEO LANDA KUBAKA BALUKANU YA KIMPEVE MPI NA NIMA BENO PESA BAMVUTU NA BANGIUFULA YAI:
-
Inki mutindu kima mosi yina mpangi-nkento yai vandaka kuzola mingi zolaka kubebisa kimpeve na yandi?
-
Inki mutindu kisalu na beto lenda kuma mutambu sambu na kimpeve na beto?
-
Sambu na nki Timoteo landaka kubaka balukanu ya kimpeve ata yandi vandaka Mukristu ya kuyela na kimpeve?—1Tm 4:16.
-
Inki kele diambu ya kuluta mfunu na luzingu na nge?
Inki mutindu beto ke monisaka nde kisalu mosi buna kele mfunu mingi sambu na beto?
