Yantika na Septembri, Mukanda ya Lukutakanu Luzingu mpi Kisalu na Beto ya Bukristu ta vanda ti mutindu ya mpa ya mbandu ya bangogo ya kukotila na masolo yina ta vanda ti ntu-diambu “Longa Kieleka.” Lukanu na beto ta vanda ya kubenda dikebi na kieleka mosi ya mfunu ya Biblia; beto ta sadila ngiufula mpi verse mosi sambu na kusala yo.

Kana muntu kumonisa mpusa, beto lenda bikila yandi mukanda mosi, to kusonga yandi video mosi ya jw.org sambu na kutula fondasio sambu na mvutukilu ya mpa. Beto fwete sala yonso na kuvutuka na nima ya mwa bilumbu sambu na kutubila mambu ya beto solulaka. Bangogo ya mpa ya kukotila na masolo mpi masolo ya bana ya nzo-nkanda ta katuka na mvutukilu yina kele na bakapu ya mukanda Inki Biblia Ke Longa Beto? Na mukanda yai, beto lenda zwa bangiufula ti baverse ya nkaka ya lenda sadisa beto na kusadila kaka Biblia ntangu beto ta sala bamvutukilu ya mpa to ta longuka ti muntu.

Nzila kele kaka mosi ya ke nataka na luzingu. (Mat 7:13, 14) Sambu beto ke solulaka ti bantu ya mabundu mpi ya bansi ya kuswaswana, beto fwete zabisa kieleka ya Biblia na mutindu yina ta benda dikebi ya konso muntu. (1Tm 2:4) Kana beto yikana ti masolo mingi ya Biblia mpi beto tomisa mayele na beto ya ‘kutendula ndinga ya kieleka mbote-mbote,’ beto ta vanda na kiese mingi mpi ta nunga na kulonga bantu kieleka.—2Tm 2:15.