MFUNU NA YO: Mikanda yonso yina ke sadisaka beto na kulonga bantu kele ti kidimbu yina ke sadisaka bantu na kukota na site jw.org. Kikuma ya ntete ya beto ke sadilaka karti ya viziti ya JW.ORG mpi trakiti Inki Kisika Beto Lenda Baka Bamvutu na Bangiufula ya Mfunu ya Luzingu? kele sambu na kutinda bantu na site Internet na beto. Nge lenda sadila jw.org sambu na kukabula Mikanda Yina Ke Sadisaka Beto na Kulonga Bantu na nzila ya message to kusonga muntu kisika yina yandi lenda zwa yo, yo lenda vanda mfunu mingi-mingi ntangu beto ke ta kimbangi na bantu yina ke tubaka ndinga ya nkaka. Diaka, bantu lenda yula beto bangiufula yina bamvutu na yo kele ve na Mikanda Yina Ke Sadisaka Beto na Kulonga Bantu. Yo yina, kana beto ke sadila site Internet na beto, yo ta sadisa beto mingi na kisalu ya kusamuna.

MUTINDU YA KUSALA YO:

• Kota kisika ya bo me sonika “MALONGI YA BIBLIA” Yindula nde nge ke ta kimbangi na kibuti mosi yina kele na mfunu ya kuzaba mambu mingi sambu na kusansa bana. Kota na jw.org mpi bweta na MALONGI YA BIBLIA > MAKWELA MPI DIBUTA.

• Kota kisika ya bo me sonika “MIKANDA.” Yindula nde nge ke ta kimbangi na dibaku ya mbote na nzo-nkanda mpi nge ke zola kupesa nduku na nge kamukanda Bamvutu na Bangiufula 10 Yina Baleke Ke Kudiyulaka. Kota na jw.org mpi bweta na MIKANDA > MIKANDA MPI TUMIKANDA.

• Kota kisika ya bo me sonika “MAMBU YA ME TALA BETO.” Yindula nde nge ke ta kimbangi na nduku na nge ya kisalu yina ke zola kuzaba mwa bantendula sambu na balukwikilu na beto. Kota na jw.org mpi bweta na MAMBU YA ME TALA BETO > BANGIUFULA YINA BANTU KE YULAKA MINGI.

SONGA VIDEO SADILA SITE JW.ORG, MPI NA NIMA BENO TALA NKI KISIKA BENO LENDA KOTA SAMBU NA KUSADISA:

• muntu yina ke ndimaka ve nde Nzambi kele

• muntu yina me kutana ti mambu ya mpasi

• nsamuni yina ke samunaka diaka ve

• muntu yina nge me vutukila mpi ke sosa kuzaba kisika mbongo yina beto ke sadilaka kisalu na beto ke katukaka

• muntu ya insi ya nkaka yina ke zola kukwenda na balukutakanu na beto kisika yina yandi ke zingaka