Sambu na nki beto fwete sala kinduku ti bantu yina ke zolaka Yehowa? Sambu banduku na beto lenda sadisa beto na kusala mambu ya mbote to kupusa beto na kusala mambu ya mbi. (Bin 13:20) Mu mbandu, ntotila Yehoashi salaka “mambu ya mbote na meso ya Yehowa” ntangu yandi vandaka nduku ya nganga-nzambi ya nene Yehoyada. (2Bs 24:2) Na nima lufwa ya Yehoyada, Yehoashi yambulaka Yehowa sambu yandi kumaka ti banduku ya mbi.—2Bs 24:17-19.

Na mvu-nkama ya ntete, ntumwa Polo fwanisaka dibundu ya Bukristu ti “nzo ya nene” mpi bampangi ya dibundu ti “bisadilu,” to bima ya nzo. Beto ta vanda “kisadilu sambu na kisalu ya lukumu” kana beto ke buya kusala kinduku ti konso muntu yina; yo vanda muntu ya dibuta na beto to mpangi ya dibundu yina ke salaka mambu yina ke sepedisaka ve Yehowa. (2Tm 2:20, 21) Yo yina, beto landa kusala kinduku ti bantu yina ke zolaka Yehowa mpi yina ta sadisa beto na kusadila yandi.

SONGA VIDEO BUYA BANDUKU YA MBI, MPI NA NIMA BENO PESA BAMVUTU NA BANGIUFULA YAI:

• Inki mutindu beto lenda sala kinduku ti bantu ya mbi kukonda kuzaba?

• Na video yai, nki sadisaka Bakristu tatu na kufwa kinduku ya mbi?

• Inki minsiku ya Biblia lenda sadisa nge na kupona banduku ya mbote?