ZINGA MUTINDU BAKRISTU FWETE ZINGA
Malongi ya Nzambi Me Nunga Bangindu ya Mbi
Yehowa ke pona-ponaka ve. (Bis 10:34, 35) Yandi ke ndimaka bantu ‘ya makanda yonso, ya mabuta yonso, ya bansi yonso, mpi ya bandinga yonso.’ (Kus 7:9) Yo yina, beto fwete vanda ve ti bangindu ya mbi sambu na bankaka to kumonisa kikalulu ya kupona-pona na kati ya dibundu ya Bukristu. (Yak 2:1-4) Na nsadisa ya malongi ya Nzambi, beto kele na paladisu ya kimpeve kisika beto me monaka mutindu bantu me sobaka kimuntu na bo. (Yez 11:6-9) Ntangu beto ke salaka ngolo sambu na kukatula bangindu yonso ya mbi na ntima na beto, beto ke landaka mbandu ya Nzambi.—Efe 5:1, 2.
TALA VIDEO JOHNY TI GEDEONI: BO VANDAKA NTETE BAMBENI, BO ME KUMAKA BAMPANGI. NA NIMA PESA BAMVUTU NA BANGIUFULA YAI:
-
Sambu na nki malongi ya Nzambi me luta bikesa yina bantu ke salaka sambu na kukatula kikalulu ya kupona-pona mpi ya kuvanda ti bangindu ya mbi sambu na bankaka?
-
Inki ke yitukisa nge na yina me tala kimpangi na beto ya ntoto ya mvimba?
-
Inki mutindu Yehowa ke bakaka lukumu ntangu beto ke taninaka bumosi ya Bukristu?
