ZINGA MUTINDU BAKRISTU FWETE ZINGA
Beto Simba Ntima ya Bantu na Nsadisa ya Mukanda “Beno Bikala na Zola ya Nzambi”
MFUNU NA YO: Bantu fwete longuka minsiku ya Yehowa mpi kuzitisa yo sambu bo sambila yandi na mutindu yina yandi ke ndimaka. (Yez 2:3, 4) Mukanda “Zola ya Nzambi,” yina kele mukanda ya zole ya beto ke longukaka ti bantu, ke sadisaka balongoki ya Biblia na kubakisa mutindu minsiku ya Nzambi ke wakana ti luzingu ya konso kilumbu. (Ebr 5:14) Beto fwete sala ngolo na kusimba ntima na bo ntangu beto ke longa bo sambu bo vanda ti bikuma ya mbote ya kusala bansoba.—Bar 6:17.
MUTINDU YA KUSALA YO:
-
Kudibongisa mbote, mpi kuvila ve bampusa ya longoki na nge. Yidika bangiufula ya ke lomba kupesa mabanza yina ta sadisa nge na bangindu mpi mawi na yandi sambu na mambu ya beno ke longuka.—Bin 20:5; be 259
-
Sadila balupangu ntangu beno ke tadila mukanda sambu na kusadisa longoki na kumona mfunu ya kusadila minsiku ya Biblia
-
Sadisa longoki na nge na kuyindula na mambu ya me tala kansansa, kansi kubakila yandi ve badesizio.—Bag 6:5
-
Tadila na mayele yonso kana longoki na nge kele ti mfunu ya lusadisu sambu na kusadila minsiku ya nkaka ya Biblia. Siamisa yandi na mawete na kusala bansoba ya me simbama na zola na yandi sambu na Yehowa.—Bin 27:11; Yoa 14:31
