“Na kitini ya nsuka ya bilumbu”

Ntangu yina beto ke zinga bubu yai

“Ngumba ya nzo ya Yehowa”

Lusambu ya bunkete ya Yehowa yina kele ya kuzanguka

“Makanda yonso ta kwisa kufuluka kuna”

Bantu ke ndima lusambu ya bunkete ke vukana na bumosi

“Beno kwisa, beto tombuka na ngumba ya Yehowa”

Bansambidi ya kieleka ke binga bantu ya nkaka na kwisa kuvukana ti bo

“Yandi ta longa beto banzila na yandi, mpi beto ta tambula na banzila na yandi”

Na nsadisa ya Ndinga na yandi, Yehowa ke longaka beto mpi ke sadisaka beto na kutambula na banzila na yandi

“Bo ta longuka mpi diaka ve bitumba”

Yezaya tubilaka mutindu bo ta kumisa binwaninu bima ya bo ke sadilaka bilanga, mpi yandi monisaka nde bantu ya Yehowa ta vandaka bantu ya ngemba. Bisadilu yai vandaka nki na bilumbu ya Yezaya?

‘Bambele ya bitumba ta kuma bima ya kubundudila ntoto’

1 Kima yina vandaka kusadisa bantu na kubundula ntoto. Bo salaka ya nkaka na bibende.—1Sa 13:20

‘Makonga ta kuma bakupu-kupu’

2 Ziku bakupu-kupu yai vandaka ya kibende mpi ti kima ya kusimbila. Bo vandaka kusadila yo sambu na kuyidika banti ya vinu.—Yez 18:5