Polo ti Silasi kumisaka Yehowa na bankunga ntangu bo vandaka na boloko. (Bis 16:25) Ntembe kele ve nde kuyimba bankunga sadisaka bo na kukanga ntima. Inki mutindu beto lenda landa mbandu na bo? Bankunga ya lusambu na beto mpi bankunga ya nkaka ya Kimfumu ke pesaka beto kikesa mpi ke sadisaka beto na kubikala ya kwikama ntangu beto ke kutana ti bampasi. Kima ya kuluta mfunu kele nde yo ke kumisaka Yehowa. (Nk 28:7) Bo me siamisaka beto na kukanga na ntu bangogo ya bankunga na beto ya Kimfumu. Keti nge me salaka yo? Beto lenda longuka mutindu ya kuyimba bankunga mpi kukanga bangogo na yo na lusambu ya dibuta.

SONGA VIDEO BANA KE KUMISA YEHOWA NA NKUNGA, NA NIMA PESA BAMVUTU NA BANGIUFULA YAI:

• Inki mambote kuyimba bankunga ya Kimfumu ke natilaka beto?

• Inki mutindu bampangi yina ke salaka na Biro ya Kukotisa Ndinga mpi ya Bavideo ke yilamaka sambu na kukotisa bankunga?

• Inki mutindu bana mpi mabuta ke kudibongisaka sambu na kukotisa bankunga?

• Inki bankunga ya Kimfumu nge ke zolaka mingi mpi sambu na nki?