Na ntangu ya ntama, bamfumu ya luyalu vandaka kusadisa bansadi ya Yehowa. (Esd 6:1-12; Est 8:10-13) Bubu yai mpi, beto ke monaka mutindu “ntoto,” disongidila mambu ya ngidika yai yina bantu ke monaka nde yo kele mbote ke mina “nzadi” ya mpasi yina dragoni disongidila Satana Diabulu me nataka. (Kus 12:16) Ziku na ntangu mosi buna, Yehowa, “Nzambi yina ke gulusaka” ta pusa bamfumu ya luyalu na kusadisa bansadi na yandi.—Nk 68:20; Bin 21:1.

Inki nge ta sala kana bo me tula nge na boloko sambu na lukwikilu na nge? Kuvila ve nde, Yehowa ke mona nge. (Kuy 39:21-23; Nk 105:17-20) Zaba nde Yehowa ta futa nge sambu na lukwikilu na nge mpi kwikama na nge ke pesa kikesa na bampangi ya ntoto ya mvimba.—Fil 1:12-14; Kus 2:10.

SONGA VIDEO BAMPANGI YA CORÉE YINA BO BASISAKA NA BOLOKO MPI NA NIMA BENO PESA BAMVUTU NA BANGIUFULA YAI:

• Sambu na nki bo tulaka bampangi mingi na boloko na Corée du Sud bamvula mingi me luta?

• Inki pusaka bamfumu ya tribinale na kubasisa ntete bampangi na beto ya nkaka yina vandaka na boloko?

• Inki mutindu beto lenda sadisa bampangi na beto ya ntoto ya mvimba yina kele ntangu yai na boloko sambu na lukwikilu na bo?

• Inki mutindu beto fwete sadila kimpwanza na beto?

• Nani ke sadisaka beto na kununga na batribinale?