ZINGA MUTINDU BAKRISTU FWETE ZINGA
Sadisa Bana na Nge na Kukuma ti Lukwikilu ya Ngolo na Nzambi
Lugangu ke zabisaka nkembo ya Yehowa. (Nk 19:1-4; 139:14) Kansi, nsi-ntoto ya Diabulu ke longaka mambu yina ke vwezaka Nzambi na yina me tala kisina ya luzingu. (Bar 1:18-25) Inki nge lenda sala sambu bangindu ya mutindu yai kukota ve na mabanza mpi na ntima ya bana na nge? Sadisa bo ntangu bo kele ntete bana ya fioti na kukwikila mpenza nde Yehowa kele mpi yandi ke zolaka bo. (2Bk 10:4, 5; Efe 6:16) Sosa kuzaba dibanza na bo sambu na mambu yina bo ke longaka bo na nzo-nkanda, mpi sadila mikanda ti bavideo mingi yina beto kele na yo sambu na kusimba ntima na bo.—Bin 20:5; Yak 1:19.
TALA VIDEO MAMBU YINA BALEKE YA NKAKA KE TUBAKA—KUKWIKILA NA NZAMBI, NA NIMA YULA BANGIUFULA YAI:
Inki mambu ya luvunu bantu ke tubaka na yina me tala kukwikila na Nzambi?
Inki bo ke longaka beno na nzo-nkanda?
Inki ke ndimisaka nge nde Yehowa kele?
Inki mutindu nge lenda sadisa muntu na kutadila mambu ya ke monisa nde Nzambi gangaka bima yonso?
Nge Lenda Sepela Mpi Ti
BANGIUFULA YINA BALEKE KE KUDIYULAKA
Bima Kudibasikilaka to Bo Gangaka Yo?—Kitini 1: Sambu na Nki Kukwikila na Nzambi?
Keti nge ta zola kutendula kukonda boma sambu na nki nge ke kwikilaka na Nzambi? Tala mutindu nge lenda pesa mvutu kana muntu ke tula ntembe na lukwikilu na nge.
