BIMVWAMA YA NDINGA YA NZAMBI | YEZAYA 58-62
“Samuna Mvula ya Luzolo ya Mbote ya Yehowa”
“Mvula ya luzolo ya mbote ya Yehowa” kele ve mvula ya bangonda kumi na zole
-
Yo kele nsungi yina Yehowa ke pesa bantu ya kudikulumusa dibaku ya kundima nsangu ya kimpwanza yina yandi ke zabisa
-
Na mvu-nkama ya ntete, mvula ya luzolo ya mbote yantikaka ntangu Yezu yantikaka kisalu na yandi ya kusamuna na mvu 29 ya ntangu na beto tii na ‘kilumbu ya Yehowa ya kuvutula mbi,’ ntangu bo fwaka Yeruzalemi na mvu 70 ya ntangu na beto
-
Na bilumbu na beto, mvula ya luzolo ya mbote yantikaka ntangu Yezu bakaka kimfumu na zulu na 1914 mpi yo ta suka na mpasi ya nene
Yehowa ke sakumuna bantu na yandi mpi ke pesa bo “banti ya nene ya lunungu”
-
Mbala mingi, banti ya kuluta nene ke yelaka na kimvuka na bamfinda; mpidina nti mosi lenda tanina nti ya nkaka
-
Bansimbulu ya nene ke vukanaka; yo ke kumisaka banti ngolo mpi ke sadisaka yo na kubwa ve na mipepe ya ngolo
-
Banti ya nene ke taninaka tu-banti ya fioti, mpi matiti yina ke bwaka ke kumisaka ntoto mbote
Bantu yonso yina kele na dibundu ya Bukristu ya ntoto ya mvimba ke zwaka mambote ya lusadisu mpi lutaninu ya “banti ya nene ya lunungu,” disongidila Bakristu ya bo me tulaka mafuta yina me bikalaka na ntoto
