Kivuvu kele bonso longo ya maswa. (Ebr 6:19) Yo ke sadisaka beto na kuyambula ve Yehowa ntangu beto ke kutana ti bampasi yina kele bonso mipepe ya ngolo na nzadi. (1Tm 1:18, 19) Bampasi yango lenda vanda kulemba nitu, kuvidisa bima ya kinsuni, maladi mosi ya ke mana ve nswalu, lufwa ya muntu ya beto ke zolaka, to konso kima yina ke pukumuna beto.

Lukwikilu mpi kivuvu ke sadisaka beto na kumona pwelele balusakumunu yina Nzambi me silaka. (2Bk 4:16-18; Ebr 11:13, 26, 27) Yo yina, ata kivuvu na beto kele ya kuzinga na zulu to na ntoto, beto fwete kumisa yo ngolo, disongidila kuyindula mbala na mbala balusilu ya Nzambi yina kele na Biblia. Mpidina, beto ta vanda kaka na kiese kana beto me kutana ti bampasi.—1Pi 1:6, 7.

[Bangogo ya kutendula kifwanisu na lutiti 6]

TALA VIDEO BENO VANDA NA KIESE SAMBU NA KIVUVU, NA NIMA PESA MVUTU NA BANGIUFULA YAI:

• Sambu na nki beto fwete landa mbandu ya Moize?

• Bamfumu ya mabuta kele ti nki mukumba?

• Inki mambu beno lenda tadila na Lusambu ya Dibuta?

• Inki mutindu kivuvu lenda sadisa nge na kuvanda kikesa kana nge me kutana ti bampasi?

• Inki balusakumunu nge ke vingila?