Ntangu Yezu vandaka na ntoto, yandi bulaka munsonso na nsiku yai: “Kumisa tata na nge ti mama na nge.” (Kub 20:12; Mat 15:4) Ntembe kele ve nde, Yezu tubaka yo na pwelele yonso sambu yandi “landaka kulemfukila” bibuti na yandi ntangu yandi vandaka leke. (Luk 2:51) Ntangu yandi kumaka mbuta, yandi zolaka nde bo lungisa bampusa ya mama na yandi kana yandi me fwa.—Yoa 19:26, 27.

Bubu yai mpi, baleke yina kele Bakristu bayina ke lemfukilaka bibuti na bo mpi ke solulaka ti bo na luzitu yonso, ke monisaka nde bo ke kumisa bo. Yo yina, nsiku ya kukumisa bibuti na beto kele ve na nsuka. Ata kana bibuti na beto me nuna, beto fwete landa kukumisa bo mpi kubaka mayele na bo. (Bin 23:22) Beto ke kumisaka mpi bibuti na beto yina me nuna ntangu beto ke lungisaka bampusa na bo ya mawi mpi ya mbongo. (1Tm 5:8) Yo vanda beto kele baleke to bambuta, beto fwete solula mbote ti bibuti na beto sambu yo kele mutindu mosi ya mbote ya kukumisa bo.

TALA VIDEO YA BIFWANISU INKI MUTINDU MONO LENDA SOLULA TI BIBUTI NA MONO?, NA NIMA PESA MVUTU NA BANGIUFULA YAI:

• Sambu na nki nge lenda mona nde yo kele mpasi na kusolula ti bibuti na nge?

• Inki mutindu nge lenda kumisa bibuti na nge ntangu nge ke solula ti bo?

• Sambu na nki kusolula ti bibuti na nge kele mfunu? (Bin 15:22)