Keti Yehowa ke zabaka ntangu yonso mambu yina kele mbote sambu na beto? Ee. Kana beto ke ndima diambu yai, beto ta monisa nde beto kele mayele kana beto ke sadila bandongisila na yandi. (Bin 16:3, 9) Beto ke tulaka ntima na bandongisila na yandi. Kansi kana bangindu na beto ke wakana ve ti ya yandi, yo lenda kumina beto mpasi na kutudila yandi ntima. Kana beto ke yindula mingi bima yina Yehowa me salaka, beto lenda kuma kutula diaka ntima mingi na mayele na yandi.—Bin 30:24, 25; Bar 1:20.

TALA VIDEO KETI YO KUDIBASIKILAKA? INKI KE SALAKA NDE BAFURMI KUKANGILA VE BAFURMI YA NKAKA NZILA? MPI NA NIMA BENO PESA BAMVUTU NA BANGIUFULA YAI:

• Inki bafurmi mingi ke salaka konso kilumbu?

• Inki bafurmi ke salaka sambu bo kangama ve mingi kisika mosi?

• Inki malongi bantu lenda baka na mutindu bafurmi ke tambulaka na ndonga?

TALA VIDEO KETI YO KUDIBASIKILAKA? INKI KE SALAKA NDE DINIOSHI KUPUMBUKA KUKONDA KUBWA? MPI NA NIMA BENO PESA BAMVUTU NA BANGIUFULA YAI:

• Inki bantu yina ke nataka ba-avio ke zabaka ntangu bo ke nataka na ba-avio ya fioti?

• Sambu na nki dinioshi ke bwaka ve ata mupepe ke bula ngolo ntangu yo ke pumbuka?

• Inki mutindu bantu lenda bakila mayele yina dinioshi ke vandaka ti yo mambote?

Inki mambu ya ke monisa mayele ya Yehowa nge me monaka na bima yina yandi me salaka ya kele na kisika yina nge ke zingaka?