KUDIPESA NA KISALU YA BILANGA | KUMISA KIESE NA NGE MINGI NA KISALU YA KUSAMUNA
Sadisa Balongoki ya Biblia na Kukwenda na Balukutakanu
Balukutakanu ya dibundu kele na kati ya mambu ya beto ke salaka na lusambu ya bunkete mpi yo kele mfunu. (Nk 22:22) Bantu yonso ya ke vukanaka sambu na kusambila Yehowa ke bakaka kiese mpi balusakumunu. (Nk 65:4) Mbala mingi, balongoki ya Biblia ke yelaka nswalu kana bo ke kwenda mbala na mbala na balukutakanu ya dibundu.
Inki mutindu nge lenda sadisa balongoki na nge ya Biblia na kukwenda na balukutakanu? Landa kubingisa bo. Songa bo video Inki Ke Salamaka na Nzo ya Kimfumu? Songa bo mambote yina balukutakanu ta natila bo. (lff dilongi 10) Nge lenda songa bo kima mosi ya nge longukaka na lukutakanu to kusonga bo mambu yina beno ta longuka na lukutakanu ya ke kwisa. Pesa balongoki na nge ya Biblia mikanda yina beno ta sadila. Diaka, pesa bo lusadisu ya yandi kele na yo mfunu. Mbala ya nkaka yo ta lomba nde nge sadisa longoki ya Biblia na kukwenda na balukutakanu. Kana longoki na nge me kwenda na balukutakanu sambu na mbala ya ntete, nge ta wa kiese mpi nge ta mona nde yo fwanaka kibeni nde nge sala bikesa yina yonso.—1Bk 14:24, 25.
TALA VIDEO SADISA BALONGOKI NA NGE YA BIBLIA NA KUKWENDA NA BALUKUTAKANU, MPI NA NIMA BENO PESA BAMVUTU NA BANGIUFULA YAI:
-
Inki dibaku Neeta sadilaka sambu na kubingisa Jade na lukutakanu ya dibundu?
-
Sambu na nki beto ke waka kiese kana longoki ya Biblia me kwisa na balukutakanu?
-
“Ya kieleka Nzambi kele na kati na beno”
Inki Jade monaka ntangu yandi kwendaka na balukutakanu sambu na mbala ya ntete?
