Ndinga ya Nzambi lenda soba luzingu na beto. (Ebr 4:12) Kansi sambu lutwadisu na yo mpi bandongisila na yo kunatila beto mambote, beto fwete ndima kibeni nde yo kele “ndinga ya Nzambi.” (1Te 2:13) Inki beto fwete sala sambu na kukumisa lukwikilu na beto ngolo na Biblia?

Tanga mwa baverse ya Biblia konso kilumbu. Ntangu nge ke tanga yo, sosa mambu yina ke monisa kibeni nde Yehowa kele Munkwa na yo. Mu mbandu, tala bandongisila yina kele na mukanda ya Bingana mpi nge ta bakisa nde yo me manaka ve ngala.—Bin 13:20; 14:30.

Yantika kulonguka nge mosi. Sosa kuzaba mbote mambu yina ke monisaka kibeni nde Biblia kele mukanda ya Nzambi. Baka Mukanda ya Bansosa Sambu na Bambangi ya Yehowa, tala na nsi ya ntu-diambu “Biblia” mpi na nima tala ntu-diambu, “Ya Kupemama na Nzambi.” Nge lenda tala mpi mambu yina kele na Appendice A3 na Mbalula ya Nsi-Ntoto ya Mpa sambu na kundima kibeni nde nsangu yina kele na Biblia me sobaka ve.

TALA VIDEO SAMBU NA NKI BETO KE KWIKILAKA NA . . . NDINGA YA NZAMBI? MPI NA NIMA BENO PESA BAMVUTU NA BANGIUFULA YAI:

• Sambu na nki kibaka ya tempelo yina bo monaka na Karnak na Ezipte ke ndimisa kibeni nde Ndinga ya Nzambi ke tubaka kieleka?

  Your answer

• Inki mutindu beto me zaba nde nsangu yina kele na Biblia me sobaka ve?

  Your answer

• Sambu na nki mutindu Biblia kele tii bubu yai ke ndimisa nge kibeni nde yo kele Ndinga ya Nzambi?​—Tanga Yezaya 40:8

  Your answer