15-21 janvier
YOBI 36-37
Nkunga 147 mpi Kisambu | Bangogo ya Luyantiku (Mun. 1)
1. Sambu na Inki Nge Fwete Tula Ntima na Lusilu ya Nzambi ya Luzingu ya Mvula na Mvula?
(Min. 10)
Yehowa yandi mosi ke zingaka mvula na mvula (Yob 36:26; w15 1/10 13 § 1-2)
Yehowa kele ti mayele mpi ngolo ya kusala nde bantu kuzinga mvula na mvula (Yob 36:27, 28; w20.05 22 § 6)
Yehowa ke longaka beto mutindu ya kubaka luzingu ya mvula na mvula (Yob 36:4, 22; Yoa 17:3)
Lukwikilu ya ngolo na lusilu ya Nzambi ya kupesa beto luzingu ya mvula na mvula ta sadisa beto na kununga bampasi ya luzingu.—Baeb 6:19; w22.10 28 § 16.
2. Bimvwama ya Kimpeve
(Min. 10)
-
Yob 37:20—Inki mutindu bo vandaka kupesa bansangu na bansi yina Biblia ke tubilaka? (it-1-F 503)
-
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Yob 36:1-21 (th dilongi 2)
4. Kuyantika Disolo
(Min. 3) KIMBANGI NA BISIKA YA BANTU MINGI. (lmd dilongi 3 kantu-diambu 3)
5. Landa Mpusa
(Min. 4) NZO NA NZO. (lmd dilongi 2 kantu-diambu 5)
6. Tendula Balukwikilu na Nge
(Min. 5) Diskure. ijwfq-F 57 § 5-15—Ntu-Diambu: Sambu na nki Bo Vandaka Kuniokula Bambangi ya Yehowa na Luyalu ya Nazi? (th dilongi 18)
Nkunga 49
7. Yilama na Ntwala Sambu na Mambu Yina Lenda Lomba nde Bo Sansa Nge to Bo Sala Nge Operasio
(Min. 15) Disolo ti Bawi. Nkuluntu mosi muntu ta sala yo.
Organizasio ya Yehowa me basisaka bima yina lenda sadisa beto na kulemfukila nsiku ya Nzambi ya me tala menga (Bis 15:28, 29) Keti nge ke sadilaka yo mbote?
Karti Bantuma Sambu na Lusansu (DPA) mpi Karti ya identité (ic): Bakarti yai ke tubilaka badesizio yina muntu me baka na yina me tala menga ntangu bo ke sansa yandi. Bansamuni yina me bakaka dezia mbotika lenda baka karti DPA na mpangi yina ke salaka na mikanda mpi bo lenda baka karti ya identité sambu na bana na bo yina me lungisa ntete ve bamvula 18. Beto fwete vanda ti bakarti yina konso kisika yina beto kele. Kana nge kele ti mfunu ya kufulusa karti mosi to ya kusoba bansangu yina kele na karti yango, sala yo nswalu kibeni.
Mambu Yina Nkento ya Divumu Fwete Zaba (S-401) mpi Bansangu Sambu na Bambefo yina Bo Ke Zola Kusala Operasio to Chimiothérapie (S-407): Mikanda yai ke sadisaka beto na kuyilama mbote na ntwala sambu na lusansu yina beto lenda baka, yo vanda na mambu ya me tala menga. Lomba bankuluntu mukanda yina nge kele ti yo mfunu kana nge kele ti divumu, kana bo ke zola kusala nge operasio to kana nge ke zola kubaka lusansu sambu na kansere.
Komite ya Kuwakana ti Balupitalu (CLH): Bampangi yina kele na CLH kele bankuluntu yina me bakaka formasio sambu na kupesa minganga mpi bansamuni bansangu ya mfunu na mambu ya me tala menga. Bo lenda solula ti munganga na nge mitindu ya nkaka yina bo lenda sansa nge kukonda kuvutula nge menga. Kana mpila kele, bo lenda sadisa nge na kuzwa munganga mosi yina ta zitisa badesizio na nge. Nge lenda solula ti bo konso ntangu yina mpi konso kilumbu yina nge me zola. Binga CLH na nswalu yonso kana yo ke lomba nde nge kota opitale, bo sala nge operasio to nge baka lusansu mosi buna, mu mbandu lusansu ya kansere. Binga bo ata ntangu nge ke yindula nde yo ta lomba ve nde bo vutula nge menga. Nge fwete sala mpi mutindu mosi kana nge kele ti divumu. Kana nge kele ti mfunu ya lusadisu, lomba nkuluntu mosi bansangu ya me tala CLH.
Songa VIDEO Inki Mutindu Komite ya Kuwakana ti Balupitalu Ke Sadisaka Beto? Na nima, yula bawi ngiufula yai:
Inki mutindu Komite ya Kuwakana ti Balupitalu lenda sadisa nge kana yo ke lomba nde bo sansa nge to bo sala nge operasio?
8. Kulonguka ya Biblia ya Dibundu
(Min. 30) bt kapu 4 § 9-12, lupangu na lut. 34
