Yo ke lombaka kuvanda ti lukwikilu sambu na kubikisa bantu ya dibuta na beno mpi kukwenda na kisika mosi ya mpa sambu na kusala mingi na kisalu ya kulonga nsangu ya mbote. (Ebr 11:8-10) Kana nge ke zola kubaka lukanu ya kukwenda kisika yina bo kele ti mfunu ya bansamuni, zabisa yo bankuluntu ya dibundu na beno. Inki mambu ya mfunu nge lenda sala sambu na kuzaba kana nge ta vanda ti mbongo yina ta sadisa nge kisika yina nge ta kwenda mpi kana nge ta kuka kufutila nzo? Sosa kuzaba mambu yina mikanda na beto ke tubaka na yina me tala kukwenda kusala na kisika yina bo kele ti mfunu ya bansamuni. Solula ti bampangi yina me sadisaka dibundu mosi yina vandaka ti mfunu ya bansamuni. (Bin 15:22) Samba Yehowa mpi lomba yandi na kusadisa nge. (Yak 1:5) Sosa kuzaba mambu mingi ya kisika yina nge ke zola kukwenda. Diaka, kana mpila kele, kwenda ntete kutala kisika yango na ntwala nde nge baka lukanu ya kukwenda kuna.

SONGA VIDEO KOTA NA KIELO YINA KE NATA NA KISALU TI LUKWIKILU—KWENDA NA KISIKA YINA MPUSA KELE MINGI MPI NA NIMA BENO PESA MVUTU NA NGIUFULA YAI:

• Inki bansoba yo lombaka nde Gabriel kusala na mabanza na yandi sambu yandi sala mingi na kisalu ya Yehowa mpi nki sadisaka yandi?