ZINGA MUTINDU BAKRISTU FWETE ZINGA
Landa Mbandu ya Zola ya Kwikama ya Yehowa
Yehowa kele mbandu ya kuluta mbote ya zola ya kwikama. (Nk 103:11) Zola yina kele ve mutindu beto ke kudiwaka sambu na mwa ntangu fioti to mawi yina ke manaka nswalu. Zola ya kwikama kele zola ya mudindu to zola ya ngolo yina ke wumelaka. Yehowa monisilaka bantu ya Izraele zola ya mutindu yina na mitindu mingi. Yandi basisaka bo na kimpika na Ezipte mpi yandi nataka bo na Ntoto ya Lusilu. (Nk 105:42-44) Yandi nwaninaka bo mpi yandi vandaka kulolula bo mbala na mbala ntangu bo vandaka kusala masumu. (Nk 107:19, 20) Kana beto “tadila mbote-mbote mambu ya Yehowa ya ke monisa zola ya kwikama,” yo ta pusa beto na kulanda mbandu na yandi.—Nk 107:43.
BENO TALA VIDEO “TADILA MBOTE-MBOTE MAMBU YA YEHOWA YA KE MONISA ZOLA YA KWIKAMA” MPI NA NIMA BENO PESA BAMVUTU NA BANGIUFULA YAI:
-
Inki mutindu beto lenda monisa zola ya kwikama?
-
Sambu na nki beto fwete sala bibansa sambu na kumonisa zola ya kwikama?
