Bankengi ya nziunga ti bankento na bo ke salaka bibansa mingi sambu na kumonisa nde bo ke zolaka bampangi ya mabundu yina bo ke talaka. Bonso beto yonso, bo ke vandaka mpi ti bampusa yina bo fwete lungisa, bantangu ya nkaka bo ke waka kulemba, bo ke lembaka nitu mpi bo ke vandaka ti basusi. (Yak 5:17) Ata mpidina, konso mposo bo ke tudilaka bampangi ya mabundu yina bo ke tala dikebi mpi bo ke salaka yonso sambu na kupesa bo kikesa. Bankengi ya nziunga “me fwana na kubaka lukumu mingi kibeni.”​—1Tm 5:17.

Ntangu ntumwa Polo yilamaka sambu na kukwenda na Roma sambu na kupesa Bakristu yina “mwa dikabu ya kimpeve,” yandi vandaka ti nzala ya ngolo ya ‘kupesana kikesa’ ti bo. (Bar 1:11, 12) Keti nge me yindula mutindu nge lenda pesa nkengi ya nziunga ti nkento na yandi kikesa?

BENO TALA VIDEO LUZINGU YA NKENGI YA NZIUNGA NA BWALA MPI NA NIMA BENO PESA BAMVUTU NA BANGIUFULA YAI:

• Inki bikesa bankengi ya nziunga ti bankento na bo ke salaka sambu na kumonisa nde bo ke zolaka bampangi?

  Your answer

• Inki mambote nge me bakaka na bikesa na bo?

  Your answer

• Inki mutindu beto lenda pesa bo kikesa?

  Your answer