29 juillet–4 août
NKUNGA 69
Nkunga 13 mpi Kisambu | Bangogo ya Luyantiku (Mun. 1)
1. Inki Mutindu Nkunga 69 Tubilaka na Ntwala Mambu ya Luzingu ya Yezu?
(Min. 10)
Bo mengaka Yezu kukonda kikuma (Nk 69:4; Yoa 15:24, 25; w11 1/8 13 § 17)
Yezu vandaka kikesa sambu na nzo ya Yehowa (Nk 69:9; Yoa 2:13-17; w10 1/12 16 § 7-8)
Yezu vandaka kuwa mpasi ya ngolo mpi bo pesaka yandi vinu ya kuvukisa ti kima ya ndudi (Nk 69:20, 21; Mat 27:34; Luk 22:44; Yoa 19:34; g95-F 22/10 31 § 4; it-2-F 600)
NGIUFULA YA KUYINDULA: Sambu na nki Yehowa tubilaka na ntwala mambu ya me tala Mesia na Masonuku ya Kiebreo?
2. Bimvwama ya Kimpeve
(Min. 10)
-
Nk 69:30, 31—Inki mutindu baverse yai lenda sadisa beto na kuyidika diaka mbote bisambu na beto? (w99 1/2 16 § 11)
-
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 69:1-25 (th dilongi 2)
4. Vanda Ntima-Nda—Mambu ya Yezu Salaka
(Min. 7) Disolo ti Bawi. Songa VIDEO, mpi na nima beno tubila lmd dilongi 8 tubantu-diambu 1-2.
5. Vanda Ntima-Nda—Landa Mbandu ya Yezu
(Min. 8) Disolo ti bawi na lmd dilongi 8 tubantu-diambu 3-5 mpi “Tala mpi.”
Nkunga 134
6. Bampusa ya Dibundu
(Min. 5)
7. Minsiku Sambu na Lusambu ya Dibuta
(Min. 10) Disolo ti Bawi.
Na janvier 2009, bo vukisaka Kulonguka ya Mukanda ya Dibundu, Nzo-Nkanda ya Kisalu ya Teokrasi ti Lukutakanu ya Kisalu mpi yo kumaka lukutakanu mosi ya kati-kati ya mposo. Yo pesaka mabuta dibaku ya kuvanda ti kilumbu mosi konso mposo sambu na kusala lusambu ya dibuta. Bampangi mingi sepelaka sambu na nsoba yina sambu yo sadisaka bo na kupusana pene-pene na Yehowa mpi yo sadisaka bantu ya mabuta na bo na kukuma banduku ya ngolo.—Kul 6:6, 7.
Inki minsiku lenda sadisa bamfumu ya mabuta na kusala mbote Lusambu ya Dibuta?
-
Beno sala yo mbala na mbala. Kana mpila kele, beno pona ntangu mosi yina beno ta salaka lusambu ya dibuta konso mposo. Beno tula mpi kilumbu ya nkaka yina beno ta salaka yo kana beno me sala yo ve na kilumbu yina beno ponaka
-
Beno yilama. Solula ti nkento na nge mpi bantangu ya nkaka ti bana na nge sambu na kuyidika mambu yina beno ta sala. Yo ke lomba ve kusala mambu mingi sambu na kuyilama, mingi-mingi kana dibuta ke sepelaka kusala mwa mambu ya mutindu mosi konso mposo
-
Beno yidika manaka yina ke wakana ti bampusa ya konso muntu na dibuta. Kana bana ke yela, bampusa na bo mpi makuki na bo ke sobaka. Manaka yina fwete sadisa konso muntu na dibuta na kuyela na kimpeve
-
Beno sala yo na zola yonso mpi konso muntu kuvanda na kiese. Bantangu ya nkaka, beno lenda longuka na nganda. Beno lenda pema mpi bantangu ya nkaka kana mpila kele. Kana beno ke zola kutubila mambu yina bana ke kutana ti yo, beno tubila bo ve mambu ya mbi, beno nganina bo ve mpi beno pesa bo ve ndola ntangu beno ke sala lusambu ya dibuta
-
Beno soba mambu ya kusala. Mu mbandu, beno lenda yidika lukutakanu, beno lenda tala video mosi na jw.org mpi beno tubila yo. Diaka, beno lenda yidika mambu yina beno ta tuba na kisalu ya kulonga nsangu ya mbote mpi beno meka mutindu beno ta tuba yo. Ntangu beno ke sala Lusambu ya Dibuta, yo kele mfunu nde konso muntu kutuba, kansi beno lenda bikila mpi konso muntu na dibuta ntangu ya kulonguka yandi mosi
Beno tubila ngiufula yai:
-
Inki mutindu beno me sadilaka minsiku yina na lusambu ya dibuta?
8. Kulonguka ya Biblia ya Dibundu
(Min. 30) bt kapu 13 § 8-16, lupangu na lut. 119
