Beto kele bantu ya kukonda kukuka. Yo yina, beto fwete bika ve nde banzala ya nitu kutwadisa beto. Kana beto ke sala mambu yonso yina beto me zola, yo lenda sala nde Yehowa kundima beto diaka ve. Bantu ya nkaka ke zolaka mingi madia, bilele mpi nzo na bo kuluta Nzambi. Bantu ya nkaka diaka ke vukisaka nitu na mutindu yina ke fwaka bansiku ya Nzambi. (Bar 1:26, 27) Bantu ya nkaka ke bikaka nde bantu kupusa bo na kusala mambu ya mbi kaka sambu bo ke zolaka nde bantu yango kuzola bo to kundima bo.—Kub 23:2.

Inki beto lenda sala sambu banzala ya nitu kutwadisa beto ve? Beto fwete kudipesa na kusala mambu yina ke sepedisaka Yehowa. (Mat 4:4) Diaka, beto fwete lomba Yehowa na kusadisa beto sambu banzala ya nitu kutwadisa beto ve. Sambu na nki? Sambu yandi me zaba mambu yina kele mbote sambu na beto mpi yandi me zaba mutindu beto lenda lungisa banzala na beto.—Nk 145:16.

SONGA VIDEO KUBEBISA VE LUZINGU NA NGE NA MAKAYA, MPI NA NIMA BENO PESA BAMVUTU NA BANGIUFULA YAI:

• Sambu na nki bantu ya nkaka ke nwaka makaya?

• Inki lenda kumina nge kana nge ke nwa makaya?

• Sambu na nki kunwa makaya kele mbi?—2Bk 7:1

• Inki nge lenda sala sambu na kunwa ve makaya to kubuya kunwa yo?