“Yehowa ke zolaka bantu na yandi.” (Nk 149:4) Ata beto kele bantu ya kukonda kukuka, Yehowa ke monaka bikalulu na beto ya mbote mpi mambu yina beto lenda sala na bilumbu ke kwisa. Kansi bantangu ya nkaka yo lenda vanda mpasi nde beto mona bikalulu na beto ya mbote. Mutindu bantu ya nkaka ke sadila beto mambu lenda pusa beto na kudimona mfunu ve. To kana beto ke yindula mingi bifu yina beto me salaka na bilumbu me luta, beto lenda ndima ve nde Yehowa ke zolaka beto. Inki lenda sadisa beto kana beto ke kudiwa mutindu yina?

Kuvila ve nde Yehowa ke monaka mambu yina bantu lenda mona ve. (1Sa 16:7) Yo ke tendula nde yandi ke monaka bikalulu na beto mingi ya mbote yina beto mosi ke monaka ve. Kansi Biblia ke sadisaka beto na kubakisa mutindu Yehowa ke tadilaka beto. Beto ta bakisa yo ntangu beto ke tanga baverse mpi masolo ya Biblia ya ke monisa mutindu Yehowa ke zolaka bansadi na yandi.

SONGA VIDEO NDIMISA NTIMA NA NGE NA NTWALA YA YEHOWA MPI NA NIMA BENO PESA BAMVUTU NA BANGIUFULA YAI:

• Mbandu ya mwana yina ke baka ntinu ti tata na yandi ke longa beto nki na yina me tala mutindu Yehowa ke monaka beto?

  Your answer

• Kana muntu mosi me sala disumu ya nene mpi na nima yandi me sala mambu yina yandi fwete sala sambu na kuvutula kinduku na yandi ti Yehowa, sambu na nki yandi fwete ndima nde Yehowa me lolula yandi?​—1Yn 3:19, 20

  Your answer

• Inki mambote mpangi yina na video bakaka ntangu yandi longukaka na mudindu masolo ya Davidi mpi ya Yehoshafati?

  Your answer