KUDIPESA NA KISALU YA BILANGA
Beto Yedisa Mayele na Beto na Kisalu ya Kusamuna—Beto Yidika Bangogo na Beto Mosi ya Kukotila na Masolo Sambu na Kukabula Bazulunalu
MFUNU NA YO: Ata bangogo ya kukotila na masolo yina kele na mukanda ya lukutakanu ke sadisaka beto, yo kele kaka mbandu. Kansi, nge fwete sadila bangogo na nge mosi. Ziku, nge lenda sadila bametode ya kuswaswana to nge lenda mona nde disolo mosi lenda sepedisa mingi bantu ya teritware na beno. Kana mpidina, na nima ya kutanga zulunalu, ya kutadila mbandu ya bangogo ya kukotila na masolo mpi ya kutala video yina kele ti bansonga, nge lenda sadila mabanza yai ya ke landa sambu na kuyidika bangogo na nge mosi.
MUTINDU YA KUSALA YO:
Kudiyula nde: ‘Keti mono fwete sadila mbandu mosi ya bangogo ya kukotila na masolo?’
EE
-
Yidika bangogo na nge ya luyantiku. Na nima ya kupesa muntu mbote, tuba na bunkufi kikuma yina nge me kwenda kutala yandi. (Mu mbandu: “Mu me kwisa sambu na . . .”)
-
Tadila bangogo yina nge ta sadila sambu na kuluta na konso kitini: kuyula ngiufula, kutanga verse mpi kupesa muwi mukanda. (Mu mbandu: Na ntwala ya kutanga verse, nge lenda tuba nde: “Verse yai ke pesa mvutu ya mbote na ngiufula yai.”)
VE
-
Pona disolo mosi ya zulunalu yina ke sepedisa nge mpi yina ta sepedisa bantu ya teritware na beno
-
Yidika ngiufula yina ta pusa muntu na kupesa dibanza na yandi mpi ta pusa beno na kusolula kansi kuyula ve ngiufula yina ta yangisa muwi. (Mu mbandu: Bangiufula yina kele na lutiti 2 ya bazulunalu.)
-
Pona verse mosi ya beno ta tanga. (Kana nge kabula Réveillez-vous ! nge lenda tanga verse to ve, sambu bo ke basisaka zulunalu yai sambu na bantu yina ke zaba ve mambu mingi ya Biblia mpi ziku bantu yina ke tulaka ve ntima na dibundu.)
-
Yidika nsa mosi to bansa zole sambu na kutendula mambote yina muwi ta baka kana yandi tanga disolo ya zulunalu
-
Yidika ngiufula yina nge ta yula sambu na kupesa mvutu na mvutukilu ya mpa
-
Baka banoti sambu yo sadisa nge na kuyibuka mambu yina nge ta tuba na mbala ya nima
