Yeremia bakaka mukumba ya kuzabisa Bayuda lukanu yina Yehowa Nzambi na bo bakaka ya kufwa bo sambu bo vilaka yandi. (Yer 13:25) Inki salaka nde kimpeve ya dikanda yai kubeba? Mabuta ya Izraele vandaka diaka ve ti kimpeve ya mbote. Bamfumu ya mabuta vandaka kusala diaka ve mambu yina Yehowa tubaka na Kulonga 6:5-7.

Bubu yai mpi, kana mabuta kele ngolo na kimpeve mabundu ke vandaka mpi ngolo. Kana bamfumu ya mabuta ke sala mbala na mbala Lusambu ya Dibuta, bo lenda sadisa mabuta na bo na kuyibuka Yehowa. (Nk 22:27) Na nima ya kutala video “Mambu Yai . . . Fwete Vanda na Ntima na Nge”—Interview ti Mabuta, beno pesa mvutu na bangiufula yai:

• Inki mutindu mabuta mingi me nungaka bampasi yina ke kangaka mabuta nzila ya kusala lusambu ya dibuta?

• Inki mambote mabuta lenda baka kana bo ke sala Lusambu ya Dibuta ya mbote mpi mbala na mbala?

• Inki bampasi mono ke kutanaka ti yo na yina me tala lusambu ya dibuta mpi nki mutindu mono lenda nunga yo?