MFUNU NA YO: Kana balongoki ya Biblia ke kudibongisa, bo ta bakisa kukonda mpasi mpi bo ta vila ve mambu yina beto ke longa bo. Kana bo ke bakisa mpi ke yibuka mambu yina beto ke longa bo, bo ta yela nswalu kibeni. Ata na nima ya mbotika, bo ta yidikaka balukutakanu mpi kisalu ya kusamuna sambu na ‘kulanda kukengila.’ (Mat 25:13) Yo yina, kana bo ke zaba mutindu ya kulonguka mpi kele ti kikalulu ya mbote ya kulonguka, yo ta natila bo mambote na luzingu na bo ya mvimba. Beto fwete sadisa balongoki na beto na kuyedisa kikalulu ya kuyidika kulonguka ya Biblia banda na luyantiku.

MUTINDU YA KUSALA YO:

• Pesa mbandu ya mbote. (Bar 2:21) Yidika mambu yina nge ta longuka ti longoki na kutadila bampusa na yandi. (km 11/15 3) Songa yandi mutindu nge me tenda mukanda na nge

• Siamisa yandi na kudibongisa. Kana beno me kuma kulonguka mbote, songa yandi nde kudibongisa kele na kati ya manaka ya kulonguka ya Biblia na yandi mosi mpi monisa yandi mambote yina yandi ta baka. Pesa yandi bandongisila ya mbote na mutindu ya kuzwa ntangu sambu na kudibongisa. Balongi ya nkaka ke pesaka balongoki na bo mukanda yina bo me tenda sambu na kulonguka kitini mosi ya dilongi yina bo ke longuka sambu na kusadisa longoki na kumona mambote ya kudibongisa. Sikisa longoki kana yandi me kudibongisa

• Songa yandi mutindu ya kudibongisa. Na luyantiku, balongi ya nkaka ke longukaka dilongi ya mvimba ti longoki sambu na kumonisa yandi mutindu ya kudibongisa