• Sonika adresi na nge. Kana nge ke mona nde yo ta vanda ve mbote nde nge sonika adresi na nge, nge lenda sonika adresi ya Nzo ya Kimfumu kana bankuluntu kupesa nge nswa. Nge fwete sonika adresi na nge, kansi nge fwete sonika ve ata fioti adresi ya Betele.

• Sonika zina ya muntu yina nge ke sonikila kana nge zaba yo, sambu yo monisa ve nde yo kele mukanda yina ke tubila mambu ya mumbongo.

• Tula dikebi na bangogo, na gramere mpi na bidimbu yina ke sadisaka muntu na kupema. Bangindu fwete vanda na ndonga. Kana nge me sonika yo na maboko, yo fwete vanda ve mpasi na kutanga. Nge fwete sadila ve bangogo ya bala-bala to ya luzitu mingi kibeni.

Mambu yai ya beto me tubila kele na mukanda yai ya mbandu. Yo ke tendula ve nde konso ntangu ya nge ke sonikila muntu mukanda na teritware na beno nge fwete sadila bangogo yonso ya kele na mukanda yai. Nge fwete sonika mukanda na nge na kutadila lukanu na yo, insi na beno mpi mutindu na beno ya kuzinga.