ZINGA MUTINDU BAKRISTU FWETE ZINGA
Beto Yedisa Mayele na Beto na Kisalu ya Kusamuna—Ta Kimbangi na Bifwa-Meso
MFUNU NA YO: Bifwa-meso mingi ke sepelaka ve kusolula ti bantu yina bo me zaba ve. Yo yina, yo ke lombaka kuvanda mayele sambu na kulonga bo. Yehowa ke tudilaka bifwa-meso dikebi na zola yonso. (Lev 19:14) Beto ta landa mbandu ya Yehowa kana beto ke baka bangidika ya kusadisa bifwa-meso na kuzaba Yehowa.
MUTINDU YA KUSALA YO:
-
“Sosa” bifwa-meso. (Mat 10:11) Keti nge me zaba dibuta ya muntu mosi yina kele ti kifwa-meso? Keti na teritware na beno kele ti nzo-nkanda, to organizasio sambu na bifwa-meso yina ta sepela kubaka mikanda ya bifwa-meso?
-
Tudila konso muntu na kati na bo dikebi. Kana nge kele mawete mpi ke monisa nde nge ke tudila kifwa-meso dikebi, yo ta sadisa yandi na kusepela ti nge. Yantika kusolula ti bifwa- meso na kutadila mambu yina bo ke zolaka na kisika yina beno ke zingaka
-
Sadisa bo na kuzaba Yehowa. Organizasio me basisaka mikanda ya mitindu mingi sambu na kusadisa bifwa-meso mpi bantu yina ke monaka ve mbote. Yula konso kifwa-meso mutindu yandi ta sepela na kulonguka. Nkengi na kisalu fwete zikisa kana bo me lomba mpi mikanda sambu na bifwa-meso na formilere yina bo ke fulusaka sambu na kulomba mikanda.