BIMVWAMA YA NDINGA YA NZAMBI | KUYANTIKA 29-30
Yakobi Me Kwela
Yakobi zabaka ve na ntwala bampasi yina yandi ta kutana ti yo na makwela. Rashele ti Lea kumaka ti kimbeni ya ngolo. (Kuy 29:32; 30:1, 8) Ata na ntangu ya mpasi, Yakobi vandaka kumona ntangu yonso nde Yehowa vandaka kusadisa yandi. (Kuy 30:29, 30, 43) Nsuka-nsuka, bana na yandi kumaka dikanda ya Izraele.—Rut 4:11.
Bubu yai mpi, bantu yina ke zola kukwela ta kutana ti bampasi. (1Bk 7:28) Ata mpidina, bo lenda vanda ti makwela ya kiese kana bo ke tudila Yehowa ntima mpi ke sadila minsiku ya Biblia.—Bin 3:5, 6; Efe 5:33.
