Konso mvula beto ke salaka bikesa sambu na kubingisa bantu ya teritware na beto na kuyibuka lufwa ya Yezu ti beto. Bantu mingi na kati na bo ke vandaka bantu yina beto me zaba ve. Beto fwete bingisa mpi bantu yina beto me zaba. Mbala mingi bantu yina beto ke pesaka emvitasio na mbala ya ntete ya beto me kutana ti bo ke sepelaka kukwenda na lusungiminu. (yb08-F 11 § 3; 14 § 1) Banani nge lenda bingisa na lusungiminu?

• Bantu ya dibuta

• Banduku ya kisalu to ya nzo-nkanda

• Bantu yina ke zingaka kisika mosi ti nge

• Bantu yina nge vutukilaka na mbala ya me luta mpi balongoki na nge ya Biblia ya ntama mpi yina beto ke longukaka ti bo

Diaka, bankuluntu lenda bingisa bampangi yina ke samunaka diaka ve to bayina ke vukanaka diaka ve na balukutakanu na lusungiminu. Inki nge ta sala kana muntu yina nge ke zabaka ve mbote ya nge me pesa emvitasio ke zingaka ve kisika mosi ti nge? Nge lenda zaba ntangu mpi kisika yina lusungiminu ta salama na kisika yina yandi ke zingaka kana nge bweta na kitini MAMBU YA ME TALA BETO yina kele na zulu na jw.org, mpi bweta na “Lusungiminu.” Ntangu nge ke yilama sambu na lusungiminu ya mvula yai, yindula bantu yina nge ta bingisa mpi na nima pesa bo baemvitasio.