Bakristu lenda baka dilongi na mambu yina kuminaka bantu ya Izraele na ntoto ya zelo na zelo. (1Bk 10:6, 8, 11) Bantu ya Izraele yina kumaka banduku ya bankento ya Moabi yina vandaka kusala pite mpi kusambila biteki salaka masumu ya nene. Masumu yai natilaka bo bampasi. (Kut 25:9) Banduku ya kisalu, banduku ya nzo-nkanda, bantu ya kartie, bampangi ya dibuta mpi bantu ya nkaka ya beto me zabana ti bo ke sambilaka ve Yehowa mpi beto ke vandaka ti bo. Inki malongi beto lenda baka sambu na mambu ya mbi yina lenda kumina beto kana beto kele banduku ya bantu yina ke sambilaka ve Yehowa?

SONGA VIDEO BAMBANDU YA KE PESA LUKEBISU SAMBU NA BILUMBU NA BETO—KITINI NA YO , MPI NA NIMA BENO PESA BAMVUTU NA BANGIUFULA YAI:

• Inki mambu ya mbi Zimri ti bantu ya nkaka songaka Yamini?

• Inki mutindu Fineasi sadisaka Yamini na kutadila mambu na mutindu ya mbote?

• Inki luswaswanu kele na kati ya kuwakana mbote ti muntu yina ke sambilaka ve Yehowa mpi kuvanda nduku na yandi?

• Sambu na nki beto fwete keba ntangu beto ke pona banduku ata na kati ya dibundu?

• Sambu na nki beto fwete solula ve ti bantu yina beto me zaba ve ya kele na bimvuka yina bantu me salaka na Internet?