JW Library kele programe mosi ya ofele ya kele na Internet yina lenda sadisa nge na kubaka Biblia, ti mikanda ya nkaka ya kutanga to ya kuwidikila ti bavideo, mpi kutula yo na telefone, na tablete to na ordinatere na nge.

MUTINDU YA KUTULA YO: Kota na Internet, kwenda na programe store, mpi baka JW Library. Programe yai ke vandaka na batelefone ti batablete mingi. Kana nge me kota na Internet, kangula programe yina, mpi pona bima yina nge ke zola kutula na telefone to na tablete na nge. Kana nge me tula dezia mikanda na telefone to na tablete na nge, nge ta vanda diaka ve ti mfunu ya kukota na Internet sambu na kutanga yo. Kansi, sambu bo ke yikaka bima ya mpa mbala na mbala na JW Library, nge fwete kotaka na Internet mbala na mbala sambu na kubaka bima yina ya mpa kana yo kele.

SAMBU NA NKI KUTULA YO? JW Library kele kibeni kisadilu mosi ya mbote sambu na kulonguka na nge mosi mpi sambu na kulanda balukutakanu ya dibundu. Yo ke sadisaka mpi na kisalu ya kusamuna, mingi-mingi kana nge ke ta kimbangi ya dibaku ya mbote.