Bibuti ya Bakristu ke waka kiese mingi kibeni kana bo ke mona mwana na bo ‘ke kudibuya mpi ke baka nti na yandi ya mpasi, mpi ke fula kulanda’ Yezu. (Mar 8:34; 3Yn 4) Inki mutindu bibuti lenda sadisa bana na bo na kulanda Yezu mpi kupesa luzingu na bo ya mvimba na Yehowa mpi kubaka mbotika? Inki mambu ke monisaka nde bana me yilama sambu na kusala kitambi ya mfunu ya kubaka mbotika?

Tanga “Nsangu Sambu na Bibuti Yina Kele Bakristu” na balutiti 165-166 ya mukanda Beto Mevukana Sambu na Kusala Luzolo ya Yehowa, mpi tadila bangiufula yai:

1. Longoki kele nani?

2. Inki bibuti fwete longa bana na bo?

3. Na kutadila mvula na bo, nki mutindu bana fwete sadila baverse yai sambu na kulungisa mambu yina bo ke lombaka sambu na kubaka mbotika?

   • Kol 3:20

   • Luk 2:46

   • Nk 122:1

   • Mat 4:4

   • Mat 6:33

   • 1Bk 15:33