Kana beto ke vutuka sambu na kutala bantu to beto ke longuka Biblia ti bo, beto fwete sadisa bo na kubakisa malongi ya mfunu. Kana beto ke sadila bambandu sambu na kulonga malongi ya mfunu, beto lenda simba bantima na bo mpi kusadisa bo na kuyibuka malongi yango.

Kana nge ke kudibongisa sambu na kuvutukila muntu mosi to kulonguka Biblia ti yandi, banda ntete kutubila malongi ya mfunu, kansi ve mambu ya fioti-fioti yina nge ta sadila bambandu sambu na kulonga yo. Na nima, pona bambandu ya pete yina ke tubila mambu ya ke salamaka konso kilumbu. (Mat 5:14-16; Mar 2:21; Luk 14:7-11) Tadila mpi mambu yina muntu yango ke ndimaka dezia mpi bisalu yina yandi ke salaka. (Luk 5:2-11; Yoa 4:7-15) Kana nge me mona nde yandi me wa kiese, nge mpi ta wa kiese.

TALA VIDEO VANDA NA KIESE NA KISALU YA KUKUMISA BANTU BALONGOKI MPI TOMISA MAYELE NA NGE YA KULONGA—SADILA BAMBANDU SAMBU NA KULONGA MALONGI YA MFUNU, MPI NA NIMA BENO PESA BAMVUTU NA BANGIUFULA YAI:

• Sambu na nki yo lenda vanda mfunu na kusadisa balongoki ya Biblia na kubakisa baverse ya Biblia?

• Inki mbandu Neta sadilaka sambu na kutendula kieleka yina kele na Baroma 5:12?

• Bambandu ya mbote lenda pusa bawi na beto na kusala nki?

• Na kisalu na beto ya kusamuna, sambu na nki beto fwete sadila bavideo mpi bisadilu ya nkaka sambu na kulonga yina organizasio ya Yehowa me basisaka?