Zola kele bonso kole. Yo ke vukisaka bantu ya dibuta mosi. Kana zola kele ve, bantu ya dibuta ta vanda ve na bumosi mpi bo ta wakana ve mbote. Inki mutindu babakala, bankento mpi bibuti lenda monisa zola na kati ya dibuta?

Bakala yina ke zolaka nkento na yandi ta tula dikebi na bampusa, na bangindu mpi na mawi ya nkento na yandi. (Efe 5:28, 29) Yandi ta disa dibuta na yandi na kinsuni mpi kimpeve, yandi fwete sala mpi mbala na mbala Lusambu ya nkokila ya Dibuta. (1Tm 5:8) Nkento yina ke zolaka bakala na yandi ta lemfukila yandi mpi ta monisila yandi “luzitu ya mudindu.” (Efe 5:22, 33; 1Pi 3:1-6) Kansi bakala ti nkento fwete vanda ya kuyilama na kulolulana na ntima ya mvimba. (Efe 4:32) Bibuti yina ke zolaka bana na bo ke tudilaka konso mwana dikebi mpi ke longaka bana na bo na kuzola Yehowa. (Kul 6:6, 7; Efe 6:4) Inki bampasi bana na bo ke kutana ti yo na nzo-nkanda? Inki bo ke salaka sambu na kubwa ve na bupusi ya banduku? Kana bantu ya dibuta ke zolana mingi, bo yonso ta vanda na ngemba mpi na lutaninu.

TALA VIDEO MONISA ZOLA YA KIELEKA NA DIBUTA, MPI NA NIMA BENO PESA BAMVUTU NA BANGIUFULA YAI:

• Inki mutindu bakala ya zola ke disaka nkento na yandi mpi ke zolaka yandi?

• Inki mutindu nkento yina ke zolaka bakala na yandi ke monisilaka yandi luzitu ya mudindu?

• Inki mutindu bibuti yina ke zolaka bana na bo ke kotisaka Ndinga ya Nzambi na bana na bo?