Bisambu yina Yehowa ke ndimaka kele bonso ndumbu ya ke basisa nsudi ya mbote yina bo vandaka kuyoka mbala na mbala na ntwala ya Yehowa na tempelo. (Nk 141:2) Kana beto ke songa Tata na beto ya zulu nde beto ke zolaka yandi mpi ke pesa yandi mersi, kana beto ke songa yandi mambu ya ke yangisa beto mpi bampusa na beto mpi beto ke lomba lutwadisu na yandi, beto ta monisa nde beto ke bakaka kinduku na beto ti yandi na valere. Ya kieleka, Yehowa ke monaka nde bisambu ya nkufi yina beto ke salaka na balukutakanu na beto kele kima ya mfunu na kati ya mambu ya beto ke salaka na lusambu na beto. Kansi, Yehowa ta vanda kibeni na kiese kana na bisambu na beto mosi, beto ke songa yandi mambu yina beto ke yindula, mutindu beto ke kudiwa mpi beto ke solula ti yandi ntangu ya nda.—Bin 15:8.

TALA VIDEO MONO KE ZOLAKA KUSAMBA MINGI, MPI NA NIMA BENO PESA BAMVUTU NA BANGIUFULA YAI:

• Inki mikumba Mpangi Johnson me vandaka ti yo?

• Inki mutindu Mpangi Johnson tudilaka Yehowa ntima na kisambu?

• Inki malongi nge me baka na mambu yina Mpangi Johnson me kutanaka ti yo?