18-24 novembre
BANKUNGA 107-108
Nkunga 7 mpi Kisambu | Bangogo ya Luyantiku (Mun. 1)
1. “Beno Pesa Yehowa Matondo, Sambu Yandi Kele Mbote”
(Min. 10)
Mutindu Yehowa katulaka bantu ya Izraele na kimpika na Babilone, yandi me katulaka beto mpi na kimpika ya nsi-ntoto ya Satana (Nk 107:1, 2; Kol 1:13, 14)
Kumonisa ntonda na Yehowa ke pusaka beto na kukumisa yandi na dibundu (Nk 107:31, 32; w07 1/5 8 § 2)
Kana beto ke yindula mambu yonso yina Yehowa me sadilaka beto, beto ta monisila yandi ntonda mingi (Nk 107:43; w15 15/1 9 § 4)
2. Bimvwama ya Kimpeve
(Min. 10)
-
Nk 108:9—Sambu na nki bo fwanisaka Moabi ti ‘dilonga ya kuyobidila’ ya Nzambi? (it-2 303 § 5)
-
Inki bimvwama ya kimpeve ya lutangu ya Biblia ya mposo yai nge ta sepela kutubila?
3. Lutangu ya Biblia
(Min. 4) Nk 107:1-28 (th dilongi 5)
4. Kuyantika Disolo
(Min. 3) KIMBANGI YA DIBAKU YA MBOTE. (lmd dilongi 1 kantu-diambu 4)
5. Landa Mpusa
(Min. 4) KIMBANGI YA DIBAKU YA MBOTE. Songa muwi mutindu beto ke longukaka Biblia ti bantu mpi pesa yandi karti sambu na kulomba kulonguka Biblia. (lmd dilongi 9 kantu-diambu 3)
6. Diskure
(Min. 5) ijwyp 90—Ntu-Diambu: Inki Mutindu Mono Lenda Katula Mabanza ya Mbi? (th dilongi 14)
Nkunga 46
7. Beto Ke Yimbaka Sambu na Kupesa Yehowa Matondo
(Min. 15) Disolo ti Bawi.
Ntangu Yehowa gulusaka bantu ya Izraele yina vandaka kuwa boma na Nzadi-Mungwa ya Mbwaki na maboko ya basoda ya Ezipte yina vandaka ngolo mingi, bo yimbaka nkunga mosi sambu na kumonisila yandi ntonda. (Kub 15:1-19) Babakala vandaka bantu ya ntete yina yantikaka kuyimba nkunga yina ya mpa. (Kub 15:21) Yezu mpi Bakristu ya mvu-nkama ya ntete yimbaka bankunga sambu na kukumisa Nzambi. (Mat 26:30; Kol 3:16) Beto ke landaka kumonisila Yehowa ntonda ntangu beto ke yimbaka na balukutakanu ya dibundu, na balukutakanu ya nziunga mpi ya distrike. Mu mbandu banda na 1966, beto ke yimbaka nkunga yina beto me katuka kuyimba ya kele ti ntu-diambu: “Beto Ke Tonda Nge, Yehowa.”
Na bisika ya nkaka, babakala lenda wa nsoni ya kuyimba na bisika ya bantu mingi. Bantu ya nkaka lenda buya kuyimba sambu bo ke yindula nde bo ke yimbaka ve mbote. Kansi beto fwete vila ve nde ntangu beto ke yimbaka na balukutakanu na beto, beto ke sambilaka mpi Yehowa. Organizasio ya Yehowa ke salaka bikesa mingi sambu na kuyidika bankunga ya kitoko mpi kupona bankunga yina me fwana sambu na konso lukutakanu. Kima mosi kaka yina beto fwete sala kele kuyimba na kimvuka ti bampangi na beto sambu na kumonisa zola mpi ntonda na beto sambu na Tata na beto ya zulu.
Songa VIDEO Kuyela ya Bansadi ya Nzambi—Dikabu ya Nkunga, Kitini 2. Na nima yula bawi bangiufula yai:
-
Inki salamaka na 1944?
-
Inki mutindu bampangi na beto na Sibérie monisaka nde bo vandaka kuzola kuyimba bankunga ya Kimfumu?
-
Sambu na nki kuyimba kele mfunu mingi sambu na Bambangi ya Yehowa?
8. Kulonguka ya Biblia ya Dibundu
(Min. 30) bt kapu 18 § 6-15
