Biblia Ke Tendula Nkento Yina Me Fwana
Bingana kapu 31 kele ti nsangu ya mfunu yina bo pesaka ntotila Lemuele na mama na yandi. Bandongisila ya mayele ya mama na yandi longaka Lemuele mambu ya yandi fwete sosa na nkento yina me fwana.
Nkento yina me fwana, bo lenda tudila yandi ntima
-
Yandi ke pesaka bangindu ya mbote na badesizio ya me tala dibuta mpi ke landaka kulemfuka
-
Bakala na yandi ke tulaka ntima nde yandi ta baka badesizio ya mbote, kansi nkento yango ke dindamanaka ve sambu bo ndima ngindu na yandi na mambu yonso
Nkento yina me fwana ke salaka mingi
-
Yandi ke longukaka na kusadila mbongo mpi bima na mayele mpi na kuzinga na kutadila bandilu na bo sambu bantu ya dibuta kulwata mbote, na mutindu ya me fwana, mpi kudia mbote
-
Yandi ke salaka ngolo mpi ke kebaka nzo na yandi mpimpa ti mwini