KUDIPESA NA KISALU YA BILANGA | KUMISA KIESE NA NGE MINGI NA KISALU YA KUSAMUNA
Longa Balongoki na Nge ya Biblia na Kulungisa Bo Mosi Bampusa na Bo ya Kimpeve
Sambu na kusadisa balongoki ya Biblia na kuzaba Yehowa mpi na kuyela na kimpeve, bo mosi fwete longuka mingi. Bo fwete suka kaka ve na mambu yina beto ke longa bo. (Mat 5:3; Ebr 5:12–6:2) Bo fwete longuka mpi mutindu ya kulungisa bo mosi bampusa na bo ya kimpeve.
Kaka banda nge ke yantika kulonguka Biblia ti bantu, songa bo mutindu bo lenda yidika mukanda yina beno ke longukila Biblia mpi siamisa bo na kuyidika yo bo mosi. (mwb18.03 6) Siamisa bo mpi na kusambaka na ntwala nde bo sala kulonguka na bo mosi. Sadisa bo na kuzaba mutindu ya kuzwa bisadilu ya kulongukila Biblia na telefone to na tablette mpi mutindu ya kusadila yo. Tendudila bo mutindu bo lenda zwa bima ya mpa na jw.org mpi na JW Télédiffusion. Malembe-malembe, songa bo na kutanga Biblia konso kilumbu, na kuyidika balukutakanu ya dibundu mpi na kusala bansosa sambu na kuzwa bamvutu na bangiufula na bo. Sadisa bo na kuyindulula mambu yina bo ke longuka.
TALA VIDEO SADISA BALONGOKI NA NGE YA BIBLIA NA KULUNGISA BO MOSI BAMPUSA NA BO YA KIMPEVE, MPI NA NIMA BENO PESA BAMVUTU NA BANGIUFULA YAI:
-
Inki mutindu Neeta sadisaka Jade na kuzaba nde kulonguka ke lombaka mambu mingi kansi ve kaka kuzwa bamvutu?
-
Inki sadisaka Jade na kundima nde Yehowa kele ti bikuma ya mbote mutindu yandi ke buyisaka bantu na kusala pite?
-
Longa balongoki na nge mutindu bo lenda zaba mambu ya mfunu mpi mutindu ya kusadila yo
Inki Jade bakisaka na yina me tala kuyindulula?
