Banda ntama, bansadi ya Nzambi ke salaka mambu ya kuyituka. Bo ke salaka yo ve na ngolo na bo mosi kansi na lusadisu ya Yehowa. Mu mbandu, na 1954 organizasio ya Yehowa basisaka filme mosi buna. Ntu-diambu na yo vandaka Mambu Yina Kimvuka Mosi ya Nsi-Ntoto ya Mpa Ke Sala. Bampangi yina salaka yo, vandaka bampangi ya dibuta ya betele. Bo zabaka ve mambu ya me tela mutindu bo ke salaka bafilme. Kisalu yai ya mpasi mingi salamaka kaka na ngolo ya mpeve santu ya Yehowa. Mambu yai ke ndimisa beto nde, kana beto ke tudila Yehowa ntima, beto lenda sala konso kisalu yina bo me pesa beto.—Zek 4:6.

TALA VIDEO “MAMBU YINA KIMVUKA MOSI YA NSI-NTOTO YA MPA KE SALA,” MPI NA NIMA BENO PESA BAMVUTU NA BANGIUFULA YAI:

• Sambu na nki bo bakaka desizio ya kusala filme ya me tala babiro ya ke twadisaka kisalu na ntoto ya mvimba?

• Inki mutindu filme yai me monisa nde Betele kele bonso nitu ya muntu?—1Bk 12:14-20

• Inki bampasi bampangi kutanaka ti yo ntangu bo vandaka kusala filme yai mpi nki mutindu bo nungaka yo?

• Mambu yina bo kutanaka ti yo ke longa beto nki na yina me tala mpeve santu ya Yehowa?