Bampangi ya dibundu ya Tesalonika monisilaka bampangi ya nkaka zola ata bo vandaka kukutana ti bampasi. (2Te 1:3, 4) Bubu yai mpi, bansadi ya Yehowa ke monisaka zola ya mutindu yai na bampangi ya ntoto ya mvimba. Masolo ya kulandana yina kele ti ntu-diambu “Mutindu Bo Ke Sadilaka Makabu na Nge” ya kele na jw.org, ke tubila mutindu makabu na beno me sadisaka bampangi na bantangu yai ya mpasi. Beto ke sikisa beno sambu na zola na beno mpi kikalulu na beno ya kukaba.

TALA VIDEO NTANGU YONSO “BETO KE PESAKA NZAMBI MERSI SAMBU NA BENO,” MPI NA NIMA BENO PESA BAMVUTU NA BANGIUFULA YAI:

• Makabu na beto ke sadisaka na kusala nki mambu?

• Inki kele mutindu ya kuluta mbote ya kupesa mbongo sambu na kusadisa bampangi na beto yina kele na mfunu ya lusadisu?—Tala mpi na jw.org disolo “Mbongo ya Zulu Ke Fikaka Dibulu ya Mbongo Yina Me Konda”