Kaka bonso balukutakanu ya dibundu, Yehowa me yidikaka balukutakanu ya kisalu ya bilanga sambu na kusadisa beto na kumonisilana zola mpi na kusala bisalu ya mbote. (Ebr 10:24, 25) Lukutakanu ya kisalu ya bilanga fwete sala minuta tanu to nsambwadi. Kutwadisa bimvuka ya kisalu ya kusamuna, kukabisa bateritware mpi kusala kisambu fwete salama kaka na kati ya minuta yina. (Kana beno ke sala lukutakanu yango na nima ya lukutakanu ya nkaka, yo fwete baka nkutu minuta na nsi ya yina.) Mpangi yina ke twadisa lukutakanu yango fwete yidika bangindu ya mfunu yina ta sadisa bampangi yina ta kwenda kulonga. Mu mbandu na kilumbu ya Mposo, mutindu bampangi mingi ke basikaka ve na kisalu ya bilanga, yo lenda vanda mbote na kutadila mambu yina beto lenda songa muwi. Inki mambu ya nkaka ya mfunu beto lenda tadila?

• Mbandu ya disolo ti muntu ya kele na Mukanda ya Lukutakanu—Luzingu mpi Kisalu na Beto ya Bukristu

• Mutindu ya kusadila mambu ya me katuka kusalama to nsangu mosi ya bo me tubila sambu na kubanda kusolula ti muntu

• Mutindu ya kununga ntembe yina bantu ke basisaka mingi

• Mutindu ya kusolula ti muntu yina ke ndimaka ve nde Nzambi kele, yina ke ndimaka nde bima kudibasikilaka, to ti muntu yina ke tubaka ndinga ya nkaka to yina ke sambilaka na dibundu yina bantu mingi ke zabaka ve na teritware na beno

• Mutindu ya kusadila mambu yina kele na site internet jw.org, na aplikasio JW Library to mutindu ya kusadila Biblia

• Mutindu ya kusadila kisadilu mosi ya kele na kati ya Bisadilu Sambu na Kulonga

• Mutindu ya mbote ya kulonga na nzila ya telefone, ya kusonika mikanda, na kisika ya bantu mingi, mutindu ya kuvutukila bantu to ya kutwadisa balongoki ya Biblia

• Kuyibusa mambu ya me tala mutindu ya kuditanina, kuyikama na mambu yina beto lenda kutana ti yo, kuvanda ti bikalulu ya mbote, kuvanda ti mabanza ya mbote, to mambu ya nkaka

• Kutubila dilongi mosi to video mosi ya kele na kamukanda Kudipesa na Kutanga mpi na Kulonga

• Mutindu ya kupesa mpangi yina nge ke longa ti yandi kikesa mpi ya kusadisa yandi

• Kutubila verse mosi ya ke wakana ti kisalu ya kulonga nsangu ya mbote to mambu ya ke pesa kikesa yina mpangi mosi kutanaka ti yo na kisalu ya bilanga