KUDIPESA NA KISALU YA BILANGA | KUMISA KIESE NA NGE MINGI NA KISALU YA KUSAMUNA
Ndima Lusadisu Yina Yehowa Ke Pesaka na Nzila ya Kisambu
Yehowa muntu ke salaka nde nkeni ya kieleka kuyela na ntima ya muntu. (1Bk 3:6-9) Yo yina sambu na kulonga mbote nsangu ya mbote, beto fwete tula ntima na Yehowa sambu yandi sadisa beto ti balongoki na beto ya Biblia.
Lomba Yehowa na kusadisa balongoki na nge ya Biblia na kukanga ntima na bampasi mpi na kununga mambu yina lenda kanga bo nzila ya kuyela na kimpeve. (Fil 1:9, 10) Tuba mambu ya siki-siki. Lomba Yehowa mpeve santu na yandi sambu yo twadisa mabanza na nge mpi mambu yina nge ke sala. (Luk 11:13) Songa balongoki na nge ya Biblia mutindu ya kusamba, mpi lomba bo na kusamba ntangu bo kele bo mosi. Samba ti balongoki na nge ya Biblia mpi tanga bazina na bo.
TALA VIDEO VANDA NA KIESE NA KISALU YA KUKUMISA BANTU BALONGOKI—NDIMA LUSADISU YINA YEHOWA KE PESAKA—KISAMBU , MPI NA NIMA BENO PESA BAMVUTU NA BANGIUFULA YAI:
-
Inki mpasi Neeta kutanaka ti yo ntangu yandi vandaka kulonguka ti longoki na yandi Jade?
-
Inki mutindu 1 Bakorinto 3:6 sadisaka Neeta?
-
Inki mutindu Neeta nungaka mpasi yina yandi kutanaka ti yo?
